Pašynian zajaviŭ, što Armienija nie budzie pravodzić refierendum ab siabroŭstvie ŭ ES
U Biškieku na palach samitu Šanchajskaj arhanizacyi supracoŭnictva adbyłasia sustreča premjer-ministra Armienii Nikoła Pašyniana z prezidentam Rasii Uładzimiram Pucinym. Heta była ich pieršaja asabistaja razmova paśla parłamienckich vybaraŭ u Armienii ŭ červieni.
Pucin zajaviŭ, što imknieńnie Armienii ŭ Jeŭrasajuz źjaŭlajecca zakonnym pravam krainy, adnak heta stvaraje peŭnyja składanaści, pakolki Armienija ŭvachodzić u Jeŭrazijski ekanamičny sajuz. Pavodle jaho, čym chutčej Jerevan vyznačycca sa svaim vybaram na karyść ES, tym lepš, bo Maskvie nieabchodna razumieć, jak u dalejšym budavać adnosiny z Armienijaj.
Taksama jon znoŭ, užo nie ŭ pieršy raz, prapanavaŭ vynieści pytańnie ab ustupleńni Armienii ŭ ES na refierendum. Pašynian, adnak, zajaviŭ, što Armienija ad hetaj idei admoviłasia.
Apošni raz Pucin i Pašynian sustrakalisia ŭ Maskvie ŭ pačatku krasavika. U červieni ŭ Armienii adbylisia parłamienckija vybary, na jakich partyja Pašyniana «Hramadzianskaja damova» atrymała bolš za 49,7% hałasoŭ.
U apošnija hady Pašynian vystupaje za pastupovaje zbližeńnie Armienii ź Jeŭrasajuzam. Maskva ličyć, što adnačasovaje siabroŭstva ŭ ES i JEAES niemahčymaje. Sam armianski premjer zajaŭlaŭ, što kraina budzie praciahvać supracoŭnictva ŭ ramkach JEAES, pakul vybar pamiž dvuma abjadnańniami nie stanie niepaźbiežnym.
Razychodžańni pamiž Jerevanam i Maskvoj jość i ŭ pytańni ADKB. U kancy žniŭnia Pašynian zajaviŭ, što budzie navat rady, kali Armieniju vyklučać z hetaj arhanizacyi.
Kanapackaja nazvała Pucina, Zialenskaha i Pašyniana złosnymi — «bo niedamierki»
U Armienii zatrymali byłoha prezidenta Kačarana
Pašynian zajaviŭ, što budzie vielmi rady, kali Armieniju vyklučać z ADKB
Armienija źbirajecca ŭ najbližejšy čas padać zajaŭku na ŭstupleńnie ŭ ES
Rasija stavić Armienii ultymatum — da śniežnia vyznačycca z refierendumam
Ciapier čytajuć
U Minsku masažyst Andrej tajemna zdymaŭ hołych klijentak17
Kamientary