Пашынян заявіў, што Арменія не будзе праводзіць рэферэндум аб сяброўстве ў ЕС
У Бішкеку на палях саміту Шанхайскай арганізацыі супрацоўніцтва адбылася сустрэча прэм’ер-міністра Арменіі Нікола Пашыняна з прэзідэнтам Расіі Уладзімірам Пуціным. Гэта была іх першая асабістая размова пасля парламенцкіх выбараў у Арменіі ў чэрвені.
Пуцін заявіў, што імкненне Арменіі ў Еўрасаюз з’яўляецца законным правам краіны, аднак гэта стварае пэўныя складанасці, паколькі Арменія ўваходзіць у Еўразійскі эканамічны саюз. Паводле яго, чым хутчэй Ерэван вызначыцца са сваім выбарам на карысць ЕС, тым лепш, бо Маскве неабходна разумець, як у далейшым будаваць адносіны з Арменіяй.
Таксама ён зноў, ужо не ў першы раз, прапанаваў вынесці пытанне аб уступленні Арменіі ў ЕС на рэферэндум. Пашынян, аднак, заявіў, што Арменія ад гэтай ідэі адмовілася.
Апошні раз Пуцін і Пашынян сустракаліся ў Маскве ў пачатку красавіка. У чэрвені ў Арменіі адбыліся парламенцкія выбары, на якіх партыя Пашыняна «Грамадзянская дамова» атрымала больш за 49,7% галасоў.
У апошнія гады Пашынян выступае за паступовае збліжэнне Арменіі з Еўрасаюзам. Масква лічыць, што адначасовае сяброўства ў ЕС і ЕАЭС немагчымае. Сам армянскі прэм’ер заяўляў, што краіна будзе працягваць супрацоўніцтва ў рамках ЕАЭС, пакуль выбар паміж двума аб’яднаннямі не стане непазбежным.
Разыходжанні паміж Ерэванам і Масквой ёсць і ў пытанні АДКБ. У канцы жніўня Пашынян заявіў, што будзе нават рады, калі Арменію выключаць з гэтай арганізацыі.
Канапацкая назвала Пуціна, Зяленскага і Пашыняна злоснымі — «бо недамеркі»
У Арменіі затрымалі былога прэзідэнта Качарана
Пашынян заявіў, што будзе вельмі рады, калі Арменію выключаць з АДКБ
Арменія збіраецца ў найбліжэйшы час падаць заяўку на ўступленне ў ЕС
Расія ставіць Арменіі ультыматум — да снежня вызначыцца з рэферэндумам
Каментары