Jon moh zalacieć z terytoryi Biełarusi i byŭ źbity źniščalnikami NATA.
Apoŭnačy ŭ Litvu zalacieŭ bieśpiłotnik, u krainie była abvieščana pavietranaja tryvoha, na telefony žycharoŭ pryjšło ekstrannaje paviedamleńnie.
Kala 00:20 dron byŭ źbity źniščalnikami NATA. Abłomki drona znojdzieny.
«Koratka pra padziei hetaj nočy: prykładna kala 00:00 u pavietranaj prastory byŭ zaŭvažany abjekt, jaki lacieŭ u napramku Litvy. Kala 0:20 identyfikavany dron byŭ źbity źniščalnikami sajuźnikaŭ ź Italii, jakija ŭźnialisia z avijacyjnaj bazy ŭ Šaŭlai», — paviedamili Uzbrojenyja siły Litvy ŭ fejsbuku.
Bieśpiłotnik byŭ źbity ŭ Kovienskim rajonie, prykładna za 90 kiłamietraŭ ad miažy ź Biełaruśsiu.
Miesca zdareńnia ačeplena i achoŭvajecca, zaraz tam pracujuć siły Vajskovaj palicyi i palicyi Litvy.
«My nie budziem śpiašacca z vysnovami — dla hetaha budzie praviedziena rasśledavańnie i acenieny ŭsie abstaviny. Fakt u tym, što padobnych incydentaŭ mienš nie stanie. Zaraz samaje hałoŭnaje, što pahroza niejtralizavanaja i bolš nie ŭjaŭlaje niebiaśpieki dla žycharoŭ. Dziakujem sajuźnikam za apieratyŭnuju reakcyju i dakładny streł», — zajavili ŭ armii.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary