Na AAT «Biełšyna» raspracoŭvajuć novyja šyny dla elektramabilaŭ. Pradpryjemstva płanuje zapuścić ich u sieryjnuju vytvorčaść da lutaha 2027 hoda. Pra heta sb.by paviedamiŭ dyrektar zavoda masavych šyn Juryj Rusiecki.
Pavodle słoŭ Rusieckaha, pradpryjemstva pastajanna ŭdaskanalvaje kanstrukcyjnyja charaktarystyki svajoj pradukcyi. Ciapier śpiecyjalisty pracujuć nad šynaj dla elektramabilaŭ, pry raspracoŭcy jakoj nieabchodna zabiaśpiečyć šerah vyznačanych kanstrukcyjnych paramietraŭ.
Płanujecca vypuskać šyny dyjamietram 19 i 20 calaŭ. Zvyčajna raspracoŭka novaj madeli i padrychtoŭka jaje da sieryjnaj vytvorčaści zajmajuć kala paŭhoda. Tamu na pradpryjemstvie raźličvajuć da lutaha 2027 hoda asvoić vytvorčaść novych šyn i zapuścić ich u sieryju. Dla «Biełšyny» heta budzie novym napramkam, a vynik zaležyć ad pracy kanstruktaraŭ.
Juryj Rusiecki taksama paviedamiŭ, što za apošnija dziesiać hadoŭ pradpryjemstva asvoiła vypusk bolš čym 60 novych madelaŭ šyn dla lehkavoha i hruzavoha transpartu.
Ciapier «Biełšyna» vypuskaje bolš za 200 typamadelaŭ šyn, ź jakich 120 pryznačanyja dla lehkavych aŭtamabilaŭ. Na pradpryjemstvie pracuje 1540 čałaviek, vytvorčaść viadziecca kruhłasutačna.
Dola «Biełšyny» na ŭnutranym rynku za apošnija hady taksama vyrasła. Kali raniej jana nie pieravyšała 25%, to ciapier, pavodle słoŭ dyrektara zavoda, nabliziłasia da 50%.
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary