Biełaruski bok pa‑raniejšamu ličyć, što farmiravańnie Mytnaha sajuza, adzinaj mytnaj terytoryi viadzie da admieny ekspartnych pošlin va ŭzajemnym handli.
Razychodžańni ŭ miežach Mytnaha sajuza adnosna admieny ekspartnych pošlin zachoŭvajucca, paviedamiŭ pieršy vice‑premjer Rasii Ihar Šuvałaŭ žurnalistam 5 lipienia pavodle vynikaŭ pasiadžeńnia JeŭrAzES u Astanie.
«Biełaruski bok pa‑raniejšamu ličyć, što farmiravańnie Mytnaha sajuza, adzinaj mytnaj terytoryi viadzie da admieny ekspartnych pošlin va ŭzajemnym handli.Rasijskaja Fiederacyja i Respublika Kazachstan — ja padkreślivaju, što heta nie rašeńnie adnoj Rasijskaj Fiederacyi, na hetym nastojvaje i Respublika Kazachstan — ličać, što da farmiravańnia Adzinaj ekanamičnaj prastory (AEP) i nabyćcia mocy ŭsimi pahadnieńniami, jakija farmirujuć AEP, u kožnaha boku zastajecca prava źbirać ekspartnyja pošliny, pry farmiravańni AEP takich mahčymaściaŭ nie zastaniecca», — cytuje Šuvałava RIA Novosti.
«Respublika Biełaruś nastojvaje na tym, što ŭžo ŭ ciapierašni čas z utvareńniem adzinaj mytnaj terytoryi takoje prava źnikaje», — skazaŭ pieršy vice‑premjer.
Biełaruski bok, nahadajem, prapanuje Rasii admianić pošliny na naftapradukty ŭ 2010 hodzie, a na naftu — z 1 studzienia 2011 hoda.
Minsk da apošniaha ciahnuŭ z ratyfikacyjaj Mytnaha kodeksa MS, bo źviazvaje svoj udzieł u sajuzie «troch» z admienaj Rasijaj pošliny na naftapradukty, jakija ŭvoziacca ŭ Biełaruś.
Na pres‑kanfierencyi ŭ Astanie pa vynikach pasiadžeńnia Miždziaržsavieta JeŭrAzES prezident RF Dźmitryj Miadźviedzieŭ zajaviŭ, što Rasija, Biełaruś i Kazachstan padpisali zajavu ab nabyćci mocy Mytnym kodeksam.
«Była padpisanaja zajava ŭ suviazi z tym, što nabyŭ moc Mytny kodeks. U stasunkach pamiž tryma krainami jon nabudzie moc 6 lipienia, a dla Rasii i Kazachstana nabyŭ moc 1 lipienia», — skazaŭ Miadźviedzieŭ.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja21
Kamientary