Deputatka, jakaja rychtuje pryhažuń dla Łukašenki, vyjšła zamuž
Baženu Jaremič časam nazyvajuć biełaruskaj Papiałuškaj. Dziaŭčynie z prostaj siamji ŭsiaho 27 hadoŭ, ale jana ŭžo dyrektarka Nacyjanalnaj škoły pryhažości i deputatka Minharsavieta. Chto ž staŭ jaje abrańnikam?
Sama Bažena Jaremič z Hrodna. Siamja jaje davoli relihijnaja. Maci Irena niejki čas pracavała dvornikam. Baćka Viktar — stanočnik drevaapracoŭčych stankoŭ. Bažena vielmi dobra vučyłasia. Skončyła Hrodzienski dziaržaŭny ŭniviersitet imia Janki Kupały pa śpiecyjalnaści «pravaznaŭstva», zatym mahistraturu. Ciapier vučycca ŭ aśpirantury BDU, pracuje nad kandydackaj dysiertacyjaj.
Losavyznačalnym dla jaje staŭ vizit Alaksandra Łukašenki ŭ hrodzienski ŭniviersitet u 2018 hodzie. Jak adnu z aktyvistak Baženu zaprasili na ahulnastudenckuju sustreču ź im. I paśla hetaha žyćcio pryhažuni radykalna źmianiłasia.
U 2021 hodzie jana stała dyrektarkaj Nacyjanalnaj škoły pryhažości — samaj maładoj za ŭsiu historyju jaje isnavańnia (Baženie było ŭsiaho 22 hady). Darečy, mienavita Nacyjanalnaja škoła pryhažości arhanizuje konkurs «Mis Biełaruś» i zajmajecca padrychtoŭkaj dziaŭčat, jakija potym traplajuć u słužbu pratakołu Łukašenki.
U 2024 hodzie Jaremič stała deputatkaj Minskaha haradskoha savieta. A sioleta pačała vieści prahramu pra znakamitych biełarusak «Dočki ziamli biełaruskaj» na biełtelekamaŭskim kanale «JASNAie TV».
Svajo asabistaje žyćcio Bažena, jakaja rabiła karjeru ašałamlalnymi tempami, raniej ad publiki chavała. Navat pra toje, što pryhažunia maje maleńkaha syna Bahdana, hadavać jakoha dapamahajuć baćki, stała viadoma tolki tady, kali Jaremič pajšła ŭ deputatki.
Ale voś niadaŭna Bažena vyjšła zamuž. Vinšavać jaje sa šlubam u kamientary pryjšli hałoŭny ideołah Minska Alaksandr Łukjanaŭ, hałoŭny redaktar «Minskaha kurjera» Kirył Kazakoŭ i prapahandystka Tamara Viackaja.
Abrańnikam staŭ 25-hadovy Pavieł Trubieka. Jon čałaviek ideałahična vyvierany — staršynia Moładzievaj rady pry administracyi Pieršamajskaha rajona Minska. Chłopiec sa Słonima, skončyŭ Akademiju kiravańnia.
Na niekatorych mierapryjemstvach jaho možna zaŭvažyć u mierčy Łukašenki z cytatami.
Źjaviłasia i pryhožaje fota, na jakim razam Pavieł Trubieka, Bažena Jaremič i jaje syn.
Kamientary
[Zredahavana]