Biełstat apublikavaŭ statystyčnyja partrety biełaruskich baćki i maci
Z 14 da 21 kastryčnika ŭ Biełarusi štohod adznačajuć Tydzień baćkoŭskaj lubovi, jaki abjadnoŭvaje Dzień maci 14 kastryčnika i Dzień baćki 21 kastryčnika. Z hetaj nahody Biełstat apublikavaŭ statystyčnyja partrety najbolš charakternych maci i baćki ŭ Biełarusi.
Siaredniestatystyčnaja biełaruskaja maci maje hramadzianstva Biełarusi, znachodzicca ŭ šlubie, žyvie ŭ horadzie i vychoŭvaje dvaich dziaciej. Zvyčajna jana maje vyšejšuju abo siaredniuju śpiecyjalnuju adukacyju i pracuje ŭ handli ci śfiery adukacyi.
Siaredniestatystyčny baćka taksama maje biełaruskaje hramadzianstva, žanaty, žyvie ŭ horadzie i vychoŭvaje dvaich dziaciej. Najčaściej jon maje vyšejšuju abo siaredniuju śpiecyjalnuju adukacyju i pracuje ŭ pierapracoŭčaj pramysłovaści ci budaŭnictvie.
Na 1 studzienia 2026 hoda ŭ Biełarusi žyli 4,0451 miljona žančyn va ŭzroście ad 18 hadoŭ — 55,1% darosłaha nasielnictva. Mužčyn hetaj uzrostavaj hrupy naličvałasia 3,2947 miljona, abo 44,9%.
Siarod ludziej va ŭzroście ad 18 da 39 hadoŭ na kožnuju tysiaču žančyn prypadała 1016 mužčyn. U hrupie va ŭzroście 40 hadoŭ i starejšych na tysiaču žančyn było tolki 730 mužčyn.
Na pačatak 2026 hoda ŭ repraduktyŭnym uzroście ad 15 da 49 hadoŭ znachodzilisia 2,0889 miljona žančyn, što składała 42,8% usich žančyn krainy. Ź ich 84% žyli ŭ haradach.
U 2025 hodzie siaredni ŭzrost maci pry naradžeńni dziciaci składaŭ 30,5 hoda, a pry naradžeńni pieršynca — 27,6 hoda. Pieršyja dzieci składali 40% usich narodžanych, druhija — 34%, trecija i nastupnyja — 26%. U vyniku vykarystańnia ekstrakarparalnaha apładnieńnia maci stali 1610 žančyn.
Za 2025 hod u Biełarusi zarehistravali krychu bolš za 52 tysiačy šlubaŭ. Upieršyniu vyjšli zamuž 61,6% žančyn, siaredni ŭzrost jakich składaŭ 26,7 hoda. Jašče 38,4% žančyn ustupili ŭ šlub paŭtorna, ich siaredni ŭzrost — 40,5 hoda.
Siarod mužčyn upieršyniu ažanilisia 65%, a ich siaredni ŭzrost pry pieršym šlubie składaŭ 29 hadoŭ. Paŭtorna ŭ šlub ustupili 35% mužčyn, siaredni ŭzrost jakich byŭ 43,4 hoda.
Pavodle pierapisu nasielnictva 2019 hoda, u Biełarusi naličvałasia 2 612 413 siemjaŭ. U 43,7% ź ich byli dzieci va ŭzroście da 18 hadoŭ. Siarod siemjaŭ ź niepaŭnaletnimi dziećmi 57,3% vychoŭvali adno dzicia, 33,5% — dvaich, a 9,2% — traich i bolš.
«Da apošniaha nie viedała, što kvaternaje pytańnie moža vyrašycca». Mama trojni raskazała, jak navažyłasia prasić žyllo ŭ Łukašenki
Histaryčny pierałom: kolkaść pažyłych ludziej u śviecie ŭpieršyniu pieravysiła kolkaść maleńkich dziaciej
U Japonii kolkaść ludziej, starejšych za 100 hadoŭ, upieršyniu pieravysiła 100 tysiač
Kamientary