Dziaržsakratar taksama dadaŭ, što abodvum bakam daviadziecca ad čahości admovicca, i hetyja razmovy składanyja.
«Kali b nie dapamoha Złučanych Štataŭ, u tym liku pry administracyi Trampa, ciapier Ukrainy nie było b. Ukraina jak suvierennaja dziaržava nie isnavała b», — skazaŭ Rubia žurnalistam u sieradu padčas vizitu ŭ Indyju, piša RBK-Ukraina.
Rubia adkazvaŭ na pytańnie pra publikacyju The Wall Street Journal. Pavodle vydańnia, Iłan Mask, kiraŭnik kampanii SpaceX, zahadaŭ zapavolić pracu spadarožnikavaj sistemy Starlink. Jana dapamahaje Ukrainie adbivać rasijskija pavietranyja ataki.
Hazieta spasyłajecca na ananimnych amierykanskich i inšych čynoŭnikaŭ. Pavodle ich słoŭ, Mask abmiarkoŭvaŭ hetaje rašeńnie z prezidentam ZŠA Donaldam Trampam paśla taho, jak infarmacyja pra zapavoleńnie stała publičnaj. Jašče adna krynica vydańnia paviedamiła, što Mask, sajuźnik Trampa, razmaŭlaŭ pra heta z pradstaŭnikami administracyi jašče da taho, jak źmieny pačali dziejničać.
«Niapraŭda, što my niejkim čynam viedali pra heta zahadzia abo kiravali hetym», — zajaviŭ Rubia ŭ adkaz na pytańnie pra materyjał haziety.
Pavodle jaho słoŭ, jamu nieviadoma, ci viedaŭ prezident pra heta zahadzia. Akramia taho, ZŠA ŭ lubym vypadku nie mohuć kantralavać, što pryvatnaja kampanija robić sa svaim praduktam.
Rubia dadaŭ, što ZŠA bolš nie źbirajucca apraŭdvacca ŭ hetym pytańni. Jon taksama adznačyŭ, što ŭkrainskija bajcy vielmi mužna supraćstajać Rasii.
Pavodle słoŭ Rubia, ciapier praciahvajucca vielmi składanyja pieramovy ab zaviaršeńni vajny, jakaja idzie ŭžo piaty hod.
Jany skancentravanyja vakoł losu Danbasa na ŭschodzie Ukrainy. Kab dasiahnuć parazumieńnia, baki ŭžo prapanavali niekalki niestandartnych idej.
«Abodvum bakam daviadziecca ad čahości admovicca, i hetyja razmovy składanyja. Ja dumaju, što hałoŭnaje žadańnie Ukrainy — zabiaśpiečyć doŭhaterminovuju biaśpieku, kab na jaje bolš nikoli nie napali», — skazaŭ Rubia.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy30
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary