Rasija naniesła ŭdar pa Kramatorsku, jak minimum čaćviora zahinułych
Kiraŭnik Danieckaj abłasnoj vajskovaj administracyi Vadzim Fiłaškin paviedamiŭ, što ŭ vyniku adnaho z udaraŭ zahinuli troje supracoŭnikaŭ ciepłazabieśpiačalnaj arhanizacyi, jakija praviarali hatoŭnaść sietki da aciaplalnaha siezona. Jašče šeść čałaviek atrymali ranieńni.
Paškodžańni atrymali jak minimum 15 šmatkvaternych damoŭ, dźvie navučalnyja ŭstanovy, administracyjny i haspadarčy budynki, a taksama dva aŭtamabili.
Vadzim Fiłaškin zaklikaŭ žycharoŭ Kramatorska nie adkładvać evakuacyju.
«Siońnia zastavacca ŭ horadzie — značyć štodnia ryzykavać žyćciom», — napisaŭ jon.
Akramia taho, jak minimum dzieviać čałaviek paciarpieli ŭ vyniku ataki na Charkaŭ. Razburany žyły dom, paškodžanyja vytvorčy budynak cyvilnaha pradpryjemstva, šmatpaviarchovy i pryvatnyja žyłyja damy, haspadarčyja pabudovy i lehkavyja aŭtamabili.
U Kijevie ŭ vyniku ataki bieśpiłotnikaŭ na enierhietyčnyja abjekty častkova źnikła elektryčnaść u Šaŭčenkaŭskim, Śviatošynskim, Sałamianskim i Piačerskim rajonach. Paciarpieli 12 čałaviek. Paškodžanyja žyły dom, miedycynskaja ŭstanova, pradpryjemstva hramadskaha charčavańnia, staličny rynak i aŭtamabili.
Kamientary