Minčanka nie pavieryła, što kurjer pracuje ŭ Nacbanku, i paprasiła parady ŭ machlaroŭ
Jany ŭsio paćvierdzili i pabahacieli na 7 tysiač dalaraŭ.
U minskuju milicyju źviarnułasia 50‑hadovaja žycharka stalicy. Žančyna dumała, što zadekłaravała hrošy ŭ Nacyjanalnym banku, ale paźniej zrazumieła, što jaje padmanuli telefonnyja machlary, paviedamlaje pres-słužba MUS.
Za dzień da hetaha afierysty patelefanavali joj ad imia «BiełEnierha» i paprasili nazvać kod dla zamieny ličylnikaŭ. A zatym, pad vyhladam supracoŭnikaŭ Kamiteta dziaržaŭnaha kantrolu, zapatrabavali zadekłaravać usie jaje źbieražeńni praz pazaštatnaha rabotnika Nacbanka.
Sustreŭšysia ź im, minčanka pačała sumniavacca, što mužčyna sapraŭdy źjaŭlajecca bankaŭskim kurjeram. Jana paviedamiła pra svaje padazreńni žančynie-kurataru, jakaja ŭvieś čas zastavałasia ź joj na suviazi.
Taja zapeŭniła, što ŭsio pad kantrolem i ich sustreča dakumientujecca. Pavieryŭšy joj, minčanka pieradała nieznajomcu 7 tysiač dalaraŭ, dumajučy, što chutka atrymaje ich nazad. Adnak užo ŭ toj ža viečar afierysty pierastali vychodzić na suviaź.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»7
Kamientary