U Navahrudskim rajonie zakryvajuć na ceły hod most cieraź Nioman
U Navahrudskim rajonie z 26 kastryčnika na hod zakryjuć ruch aŭtamabilaŭ pa moście cieraź Nioman. Pryčyna — kapitalny ramont zbudavańnia na 16‑m kiłamietry darohi N-6325 Lubča — Ščorsy — miaža Minskaj vobłaści.
Jak paviedamiŭ pieršy namieśnik hienieralnaha dyrektara pradpryjemstva «Hrodnaabłdarbud» Alaksandr Marculevič, most pabudavali ŭ 1984 hodzie. Za bolš čym 40 hadoŭ ekspłuatacyi na im rehularna pravodzili raboty ŭtrymańnia i biahučym ramoncie. Adnak praz pavieličeńnie kolkaści hruzavoha transpartu ŭźnikła nieabchodnaść u kapitalnym ramoncie.
Padčas rabot płanujuć uzmacnić kanstrukcyju mosta, adramantavać apory i ryhieli, zamianić apornyja častki belek, pryvieści ŭ paradak konusy bierahavych apor i pastavić aśviatleńnie.
Dla piešachodaŭ i ravarystaŭ most zastaniecca dastupnym i padčas ramontu. Aŭtamabilistam prapanujuć abjazdžać zakryty ŭčastak pa miascovaj darozie N-6202 Jaremičy — Siniaŭskaja Słabada — miaža Navahrudskaha rajona z vyjezdam na respublikanskuju trasu R-11.
Alaksandr Marculevič adznačyŭ, što ramont stvoryć peŭnyja niazručnaści dla žycharoŭ i kiroŭcaŭ, ale dazvolić harantavać biaśpieku i nadziejnaść mosta na doŭhija hady. Darožnyja słužby prosiać pastavicca z razumieńniem da časovych abmiežavańniaŭ.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary