Paśla niaŭdałaha skoku ŭ voziera 19‑hadovy biełarus akazaŭsia ŭ invalidnym vazku — jon znajšoŭ siabie ŭ stvareńni kaśmičnych śviacilnikaŭ FOTY
Antonu Bindziukovu 24 hady. U 19 jon, student druhoha kursa, niaŭdała nyrnuŭ u voziera i ŭdaryŭsia hałavoj ab dno. Jak vynik — pierałom piataha šyjnaha pazvanka, traŭma śpinnoha mozhu i 1‑ia hrupa invalidnaści.
Kali chłopiec apynuŭsia ŭ invalidnym vazku, jon vymušana źmianiŭ raniejšyja płany stać inžynieram i znajšoŭ siabie nanoŭ — ciapier jon stvaraje svaimi rukami śviacilniki-miesiacy i viadzie błoh pra svajo žyćcio.
Anton pachodzić z Homielščyny, z haradskoha pasiołka Karma. U dzień trahiedyi jon, tady jašče student Biełaruskaj sielskahaspadarčaj akademii, pajechaŭ ź siabrami na voziera. Kali Anton niaŭdała skočyŭ u vadu, to nie zmoh padniacca z dna sam, jaho dastavaŭ adnahrupnik.
U balnicy chłopiec da apošniaha byŭ upeŭnieny, što prosta złamaŭ šyju, tamu adnovicca i zažyvie raniejšym žyćciom. Ale adčuvalnaść noh tak i nie viarnułasia — Antonu pryjšłosia pierasieści ŭ invalidny vazok i pierabracca da baćkoŭ.
«Pieršy hod paśla traŭmy ja nie razumieŭ, jak žyć dalej, admaŭlaŭsia vychodzić na vulicu ŭ takim stanie. Kazaŭ: «Nu voś adnaŭlusia — i tady…!» — zhadvaje małady čałaviek.
Z časam pryjšło prymańnie situacyi. U hetym u tym liku dapamahło toje, što Anton pačaŭ vieści błoh i dzialicca tam momantami svajoj reabilitacyi i pošukaŭ siabie — u tyktoku na jaho padpisanyja amal 50 tysiač čałaviek.
Na chobi sa śviacilnikami, jakoje pastupova stała prynosić hrošy, maładziona natchniła prahledžanaja pieradača pra palot na Miesiac. Davieści ideju da rozumu dapamoh Pinterest.
«Pieršy Miesiac ja stvaryŭ dla siabie, a potym vyrašyŭ pakazać ludziam — moža, jašče kamu spadabajecca», — raskazvaje ramieśnik.
Svaje Miesiacy Anton stvaraje z draŭlanaj bazy i teksturnaj pasty dla reljefu — usio heta całkam ručnaja praca, jakaja dajecca chłopcu niaprosta: drobnaja matoryka dla kiściaŭ ruk paśla traŭmy — toj jašče vyklik.
Spačatku Anton nie vieryŭ, što jaho vyraby buduć pradavacca, ale dziakujučy rekłamie ŭ Threads zakazy pajšli ŭharu. Chłopiec aformleny jak samazaniaty, i toje, što jon moža zarablać sam, nadaje jamu ŭpeŭnienaści ŭ sabie i nie daje padać ducham.
Anton maryć, što jaho prybytak dapamoža chutčej daŭładkavać biezbarjernaje asiarodździe ŭ kvatery i na leciščy, kab być mienš zaležnym ad dapamohi baćkoŭ.
Ciapier čytajuć
Aryštavali pradstaŭnikoŭ kampanii Bayer u Biełarusi10
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary