MZS: Infarmacyi pra biełarusaŭ, jakija mahli paciarpieć u Ispanii, nie pastupała
U Ministerstva zamiežnych spraŭ Biełarusi pakul niama infarmacyi pra hramadzian krainy siarod zahinułych i paranienych u vyniku čyhunačnaj katastrofy ŭ Ispanii.
U MZS paviedamili, što biełaruskaje pasolstva ŭ Ispanii padtrymlivaje pastajannuju suviaź ź miascovymi ŭładami i ŭvažliva sočyć za situacyjaj.
MZS Biełarusi taksama vykazała spačuvańni siemjam i blizkim zahinułych u vyniku sutyknieńnia chutkasnych ciahnikoŭ u ispanskaj pravincyi Taleda i pažadała najchutčejšaha vyzdaraŭleńnia ŭsim paciarpiełym.
Avaryja adbyłasia ranicaj u sieradu, 28 kastryčnika. Adzin pasažyrski ciahnik jechaŭ z Madryda ŭ Sievilju, druhi, jaki naležyć pryvatnamu apierataru chutkasnych pieravozak Iryo, ruchaŭsia ŭ procilehłym kirunku. U vyniku sutyknieńnia dva vahony syšli z rejek.
Pavodle apošnich źviestak, zahinuli nie mienš za 68 čałaviek, jašče amal dźvie sotni paciarpieli. Usiaho ŭ dvuch ciahnikach znachodzilisia 544 pasažyry.
Ministr transpartu Oskar Puente paviedamiŭ, što pryčynaj sutyknieńnia staŭ zboj u sistemie čyhunačnaj sihnalizacyi. Sistema padała sihnał spynić ciahniki, adnak praź niekatory čas adzin ź ich pamyłkova atrymaŭ dazvoł adnavić ruch.
U suviazi z katastrofaj ułady Madryda pačali admianiać usie mierapryjemstvy, zapłanavanyja na sieradu, a žycharoŭ zaklikali terminova zdavać kroŭ.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary