Va Ukrainie i Rasii ŭzłamali sistemy apaviaščeńniaŭ. Ludziam prychodzili paviedamleńni pra chimičnuju niebiaśpieku i jadziernuju pahrozu
Uviečary 1 listapada ŭkrainski dadatak «Pavietranaja tryvoha» pačaŭ rassyłać papiaredžańni pra jadziernuju i chimičnuju niebiaśpieku, a taksama vuličnyja bai. Praź niekalki hadzin pra ŭzłom svajho dadatku paviedamiła MNS Rasii — rasijan papiaredzili pra pahrozu jadziernaha ŭdaru.
Što adbyłosia va Ukrainie
Pieršyja falšyvyja apaviaščeńni pačali prychodzić a 22:47 pavodle kijeŭskaha času ŭ niadzielu. U ich śćviardžałasia, što pa ŭsioj Ukrainie abvieščany čyrvony ŭzrovień pavietranaj tryvohi, piša BBC.
Praz chvilinu karystalniki atrymali paviedamleńnie pa-rusku: «Pryvitańnie! Pa ŭsioj Ukrainie zaraz budzie jadziernaja tryvoha. Nie chvalujciesia, lacić «Arešnik»!»
Žycharam Kijeva i inšych haradoŭ taksama prychodzili papiaredžańni pra radyjacyjnaje zaražeńnie, chimičnuju ataku i vuličnyja bai z zaklikam nie vychodzić na vulicu.
Pavietranyja siły Ukrainy nieŭzabavie zajavili, što dadatak «zaznaŭ varožaje ŭździejańnie».
«Nijakaj radyjacyjnaj pahrozy niama! Zachoŭvajcie spakoj, sačycie za našymi paviedamleńniami ŭ našym kanale!» — paviedamili vajskoŭcy.
Pavodle paviedamleńniaŭ, u Lvoŭskaj vobłaści praz zboj u dadatku sihnał pra radyjacyjnuju niebiaśpieku prahučaŭ i z vuličnych hučnahavarycielaŭ. Miascovyja ŭłady zajavili, što takoj pahrozy niama.
Dziaržaŭnaja słužba Ukrainy pa nadzvyčajnych situacyjach paźniej paviedamiła, što nacyjanalnaja sistema apaviaščeńnia pracuje štatna. Žycharoŭ zaklikali sačyć za aficyjnymi paviedamleńniami miascovych uładaŭ i sihnałami hučnahavarycielaŭ.
Ministerstva ličbavaj transfarmacyi Ukrainy paviedamiła pra časovaje adklučeńnie «Pavietranaj tryvohi».
Raspracoŭščyki paćvierdzili niesankcyjanavanaje ŭmiašańnie: jany adklučyli puš-apaviaščeńni i prypynili pracu dadatku.
«Dadatak nie zachoŭvaje piersanalnych danych, tamu pahrozy dla karystalnikaŭ niama. Prosim ni ŭ jakim razie nie pierachodzić pa spasyłkach z padazronych apaviaščeńniaŭ», — zajaviła kamanda prahramy.
Unačy źjaviłasia paviedamleńnie, što jaje pracu pastupova adnaŭlajuć.
Što adbyłosia ŭ Rasii
Kala druhoj hadziny nočy pavodle maskoŭskaha času pra kibierataku na svoj mabilny dadatak paviedamiła MNS Rasii.
«Złamyśnikam udałosia ažyćciavić rassyłku fejkavaj infarmacyi nasielnictvu», — zajavili ŭ viedamstvie.
Karystalniki atrymlivali, siarod inšaha, papiaredžańni pra pahrozu jadziernaha ŭdaru.
MNS paviedamiła, što likviduje ŭraźlivaść i adnaŭlaje pracu dadatku. Pry hetym viedamstva padkreśliła: uzłom nie paŭpłyvaŭ na asnoŭnuju sistemu apaviaščeńnia nasielnictva. Dla jaje vykarystoŭvajuć sireny, hučnahavarycieli, SMS, telebačańnie i radyjo.
Pavodle ŭkrainskaha vydańnia UNN, adkaznaść za ŭzłom rasijskaha dadatku ŭziaŭ na siabie partyzanski ruch «Ateš». Jon apublikavaŭ skrynšot paviedamleńnia z zaklikam terminova nazapasić pradukty na try tydni i schavacca ŭ padvałach. BBC adznačaje, što nie zmahła paćvierdzić sapraŭdnaść hetaha skrynšota.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary
Miljarder ličyć, što stvaralniki hetaj simulacyi adrazu ž vyklučać jaje, jak tolki jana stanie sumnaj. Mienavita tamu, z punktu hledžańnia Maska, u suśvietnaj historyi i adbyvajucca pastajannyja varjackija, niepradkazalnyja i absurdnyja pavaroty - "raspracoŭščyki" prosta dadajuć siužet i padnimajuć rejtynhi, kab praciahvać šoŭ i nie začyniać prajekt. Jon paraŭnoŭvaŭ Ziamlu ź sieryjałam na Netflix, jaki padaŭžajuć na nastupny siezon tolki dziela dobrych prahladaŭ.