Вайна2424

Z-ваенкар: Ва Украіну з Алешак выязджаюць 17 аўтобусаў, у Расію — толькі 4

Расійскі Z-ваенкар Уладзімір Раманаў, які прысутнічае ў часова акупаваных Алешках на Херсоншчыне, адкуль праводзіцца эвакуацыя насельніцтва, напісаў у сваім тэлеграм-канале, як размяркоўваецца колькасць жыхароў па выбары краіны, у якую яны хочуць выехаць.

Па словах Раманава, з акупаваных Алешак ва Украіну выязджаюць 17 аўтобусаў, а ў Расію — 4.

Праўда, ён сам сумняецца, што пра гэта будуць гаварыць афіцыйна:

«Па тэлевізары хутчэй за ўсё пакажуць больш нашых аўтобусаў, але ў іх будуць глуха заштораныя вокны», — напісаў Z-ваенкар, намякаючы, што большасць аўтобусаў будуць пустыя.

Неўзабаве гэты пост быў радыкальна падкарэктаваны — тэкст пра размеркаванне жыхароў Алешак быў з яго цалкам выдалены.

Раней прэм'ер-міністр Украіны Сяргей Карэцкі паведаміў, што 527 чалавек вырашылі выехаць з Алешак на тэрыторыю, падкантрольную ўраду Украіны.

Аднак пазней ён зняпраўдзіў гэтую інфармацыю і дадаў, што афіцыйныя даныя будуць паведамленыя пасля заканчэння працэсу эвакуацыі.

Паводле яго слоў, далей жыхары Алешак «складаным маршрутам» трапяць на тэрыторыю Беларусі ў Гомель, а з Беларусі перасякуць мяжу Украіны.

Людзей спачатку даставяць да расійскай Анапы ў Краснадарскім краі, а адтуль самалётам — да Гомеля. Далей маршрут пралягае праз пункт пропуску «Новая Гута» на украінска-беларускай граніцы да Кіева.

Пералёт з Анапы да Гомеля чакаецца 31 кастрычніка. Эвакуяваных будзе суправаджаць украінская дэлегацыя. Тым, хто вырашыць застацца на месцы, раздадуць гуманітарную дапамогу.

Алешкі, якія знаходзяцца пад расійскім кантролем, на працягу апошніх месяцаў апынуліся ў сітуацыі, блізкай да гуманітарнай катастрофы. Горад пастаянна абстрэльваюць, а магчымасці выехаць адтуль амаль няма, бо большасць дарог замініраваныя.

У канцы кастрычніка пры пасярэдніцтве Меланіі Трамп Расія і Украіна дамовіліся пра лакальнае спыненне агню, каб даць жыхарам магчымасць пакінуць горад. Рэжым цішыні пачаў дзейнічаць 27 кастрычніка і, паводле дамоўленасці, павінен працягвацца да 1 лістапада.

Каментары24

  • Немного математики
    30.10.2026
    Ну так всё правильно, 527 человек как раз и сядут в 17 автобусов. А всего людей полторы тысячи, это официальные украинские сведения. То есть оставшиеся или поедут в радимаю расеюшку на тех 4х, либо останутся в оккупированных проклятыми орками-кровопийцами Олешках. Считайте сами, прикидывайте.
  • %
    30.10.2026
    Так а што дзівіць гэтага Z..тага!? Што за 4 гады жорсткай акупацыі і няспыннай бяды толькі 4 аўтобусы запраданцаў набралось?
  • Пытаннечка
    30.10.2026
    %, так а остальные куда делись? По украинским сведениям там было минимум 1500 человек. Орки съели их? Или они почему-то решили остаться по оккупацией мерзких орков и никуда не ехать?

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю29

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю29

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць