Byłoha hiendyrektara abjadnańnia «Naftan» Kanstancina Časnavickaha pryznali vinavatym u niezakonnaj pradprymalnickaj dziejnaści j asudzili na 4 hady źniavoleńnia. Prosta ŭ sudzie Kanstancina Časnavickaha ŭziali pad vartu.
Byłoha hiendyrektara abjadnańnia «Naftan» Kanstancina Časnavickaha pryznali vinavatym u niezakonnaj pradprymalnickaj dziejnaści j asudzili na 4 hady źniavoleńnia. Prosta ŭ sudzie Kanstancina Časnavickaha ŭziali pad vartu.
Abvinavaŭčym prysudam zaviaršyłasia jašče adna hučnaja antykarupcyjnaja sprava – suprać byłoha hiendyrektara «Naftanu» Kanstancina Časnavickaha i jahonych padnačalenych, adkaznych kiraŭnikoŭ abjadnańnia Vitala Bandarčuka i Siarhieja Martynava. Dva miesiacy ich sudzili ŭ Viarchoŭnym Sudzie. Kanstancina Časnavickaha sud pryznaŭ vinavatym u niezakonnaj pradprymalnickaj dziejnaści j asudziŭ da 4 hadoŭ źniavoleńnia, taki ž termin atrymaŭ Siarhiej Martynaŭ. Vital Bandarčuk – na hod bolš.
Sud častkova zadavoliŭ hramadzianski pazoŭ «Naftanu» da ŭsich troch abvinavačanych – ahułam na 8 miljardaŭ rubloŭ. Taksama sud pastanaviŭ skanfiskavać hrošy z dalaravaha rachunku Kanstancina Časnavickaha – bolej za 1 miljon 240 tysiač dalaraŭ. Pavodle sudu, hetyja hrošy były hiendyrektar atrymaŭ niezakonna.
Praces nad spadarom Časnavickim i jahonymi saŭdzielnikami byŭ zakrytym, i tolki ciapier stali viadomyja niekatoryja padrabiaznaści spravy. U pryvatnaści, viadoma, što Kanstancin Časnavicki pryznavaŭ siabie vinavatym častkova, a pra hrošy ŭ zamiežnym banku kazaŭ, što ich zarabili jahonyja dzieci-kamersanty. Pavodle jaho, raniejšyja źviestki prakuratury pra toje, što jon viarnuŭ hrošy dziaržavie, – niapraŭda.
Paśla ahučvańnia prysudu były dyrektar nie paśpieŭ ničoha prakamentavać, jamu adrazu nadzieli kajdanki j zabaranili adkazvać na pytańni žurnalistaŭ. Advakat Śviatłana Łabocha skazała, što Kanstancin Časnavicki byŭ hatovy da takoha vyniku:
(Łabocha: ) «Jon nie pryznavaŭ svajoj viny pavodle artykułu, zhodna ź jakim byŭ aryštavany i addadzieny pad sud, – heta kradziež u vialikich pamierach praz złoŭžyvańnie słužbovym stanoviščam. Hety artykuł nie znajšoŭ paćvierdžańnia ŭ sudzie, i hetym my vielmi zadavolenyja. Ale inšyja abstaviny, jakija vyjavilisia padčas papiaredniaha śledztva, sud kvalifikavaŭ jak niezakonnuju pradprymalnickuju dziejnaść. Na maju dumku, heta nie zusim dakładna ź jurydyčnaha boku».
Darečy, sudździa Viktar Rakicki, jaki vioŭ praces, zrabiŭ zaŭvahu śledčym KDB i prakuratury za «nizkuju jakaść śledztva» j niedachop kantrolu za śledztvam.
Kanstancina Časnavickaha aryštavali ŭ śniežni 2004 hodu j da žniŭnia 2005 hodu jon byŭ pad vartaj u śledčym izalatary KDB, a potym – pad chatnim aryštam. Sud zaličyŭ hety čas u jahony termin źniavoleńnia. Takim čynam, za kratami byłomu hiendyrektaru daviadziecca adbyć nia bolš za 2 hady i niekalki miesiacaŭ. Naziralniki nie vyklučajuć, što na volu jon vyjdzie j raniej, kali trapić pad amnistyju ci ŭmoŭna-daterminovaje vyzvaleńnie.
Da hetaha času najbolšaje pakarańnie siarod kiraŭnikoŭ bujnych pradpryjemstvaŭ atrymaŭ były dyrektar Mienskaha traktarnaha zavodu Michaił Lavonaŭ – sud prysudziŭ jamu 10 hadoŭ źniavoleńnia. Adbyvaje pakarańnie Michaił Lavonaŭ u mienskaj kalonii. Naziralniki nie vyklučajuć, što ŭ hetuju ž kaloniju trapić i Kanstancin Časnavicki.
Kamientary