Ab hetym siońnia paviedamiŭ pieršy namieśnik ministra finansaŭ Uładzimir Amaryn. Viartać pazyku Biełarusi pryjdziecca ŭ 2015 hodzie.
Ab hetym siońnia paviedamiŭ pieršy namieśnik ministra finansaŭ Uładzimir Amaryn. Viartać pazyku Biełarusi pryjdziecca ŭ 2015 hodzie.
«My daraźmiaścili ablihacyi na 400 miljonaŭ dołaraŭ», — paviedamiŭ dziaržaŭnamu ahienctvu BiełTA pieršy namieśnik ministra finansaŭ Uładzimir Amaryn. Jon nahadaŭ, što pieršyja ablihacyi raźmiaščalisia sa staŭkaj kupona 8,75%. Dachodnaść daraźmieščanych ablihacyj da pahašeńnia składzie na 0,5% mieniej — 8,25%. Heta značyć, što popyt na pieršasnaje raźmiaščeńnie byŭ vysoki, što i dazvoliła źnizić pracent.
Arhanizatarami vypusku jeŭraablihacyj Biełarusi vystupili francuzski BNP Paribas, niamiecki Deutsche Bank, brytanski The Royal Bank of Scotland i «Śbierbank» z Rasii. «Biełarusbank» uziaŭ udzieł u jakaści suarhanizatara vypusku. Vypusk pryciahnuŭ uvahu šyrokaha koła inviestaraŭ z roznych rehijonaŭ śvietu i byŭ pierapadpisany ŭ dva z pałovaj razu. Zajaŭki na ŭdzieł u raźmiaščeńni byli atrymany ad 145 inviestaraŭ na ahulnuju sumu $1,5 młrd.
U časie debiutnaha raźmiaščeńnia jeŭrabondaŭ na 600 młn dołaraŭ terminam na piać hadoŭ ministr finansaŭ Andrej Charkaviec kazaŭ: «Kupon 8,75% adpaviadaje acency ŭsiaho rynku. I važna razumieć, što tut nie my dyktujem umovy, a inviestary», — padkreśliŭ jon.
Niezadoŭha da hetaha stała viadoma, što mižnarodnaje rejtynhavaje ahienctva Standard & Poor's (S&P) prysvoiła zapłanavanamu debiutnamu vypusku biełaruskich jeŭraablihacyj papiaredni doŭhaterminovy rejtynh pryjarytetnaha niezabiaśpiečanaha doŭhu «V+».
S&P taksama prysvoiła zapłanavanamu vypusku rejtynh adnaŭleńnia «4». Hety ŭzrovień rejtynhu aznačaje, što ahienctva aceńvaje vierahodnaść adnaŭleńnia emitenta ŭ vypadku defołtu pa ablihacyjach u 30–50%.
«Značeńni rejtynhaŭ Biełarusi prysvojeny ŭ suviazi ź nievysokaj acenkaj likvidnaści, vysokich značeńniaŭ deficytu biahučaha bałansu Biełarusi i pastajannych prablem va ŭzhadnieńni cen enierhanośbitaŭ, što impartujucca z Rasii», — havaryłasia ŭ kamientary S&P.
Prava vypuścić u 2010–2011 hadach ablihacyi na sumu da 2 młrd. dołaraŭ z terminam karystańnia nie mienš jak piać hadoŭ i raźmiaščeńniem za miežami Biełarusi ŭradu daŭ ukaz prezidenta ad 13 maja 2010 hoda.
Jeŭrabondy (jeŭraablihacyi) — heta vid doŭhaterminovych kaštoŭnych papier. Asnoŭnyja ich kupcy — instytucyjnyja inviestary: strachavyja i piensijnyja fondy, inviestycyjnyja kampanii.
Viartać pazyku Biełarusi pryjdziecca ŭ 2015 hodzie. Pracenty pa ablihacyjach buduć vypłačvacca na paŭhadavoj asnovie 3 lutaha i 3 žniŭnia kožnaha hoda.
Vypusk ablihacyj dazvolić uradu nie brać kredytaŭ ad MVF ci Rasii. Ich možna atrymać pad značna nižejšy pracent, adnak MVF źviazvaŭ vydaču kredytaŭ z vykanańniem ekanamičnych, a Maskva — palityka-ekanamičnych patrabavańniaŭ. U vybarčy hod dla administracyi Alaksandra Łukašenki toje padavałasia nieprymalnym.
Dachodnaść biełaruskich ablihacyj na 6% vyšejšaja za dachodnaść ablihacyj Niamieččyny, jakija ličacca punktam adliku. Dachodnaść 5-hadovych dziaržaŭnych ablihacyj Hiermanii na siońnia składaje prykładna 2,2%. Dla paraŭnańnia taksama, ablihacyi Hrecyi, što bałansavała na miažy bankructva, na siońnia iduć pad 11%, choć jašče ŭ mai-červieni raźmiaščalisia pad 8%, a da hetaha hoda — pad 3,5%.
Atrymańnie hrošaj, faktyčna, pazykaŭ, šlacham vypusku ablihacyj — heta kamfortny dla ŭrada, ale nie samy vyhadny sposab. Srodki ad MVF, choć i vydzialajucca zvyčajna pad nie zusim pryjemnyja dla ŭrada ŭmovy nakštałt makraekanamičnych reformaŭ, vydajucca pad našmat nižejšy pracent. Ich možna atrymać pad 2—3%, tady jak biełaruskija ablihacyi siońnia iduć bolš čym pad 8%.
Kamientary