Pad Łuckam prajšoŭ fiestyval Bandery.
Hety fiestyval alternatyŭnaj muzyki adbyvaŭsia 7–8 žniŭnia ŭ vioscy Rakini za 12 km ad Łucku na terytoryi Muzieja historyi sielskaj haspadarki.
Simvałam mierapryjemstva byŭ nacyjanalny hieroj Ukrainy Ściapan Bandera. Duch Ukrainskaj paŭstanckaj armii (UPA) prasočvaŭsia ŭ pakazalnych vystupach bajavoha hapaka, rekanstrukcyi boju paŭstancaŭ z vojskami NKVD i ahulnym azdableńni.
Pravy kancert adznačyŭsia zabaronaju raśpićcia śpirtnych napojaŭ. Z ranicy ŭ niadzielu ŭsich žadajučych zaprašali ŭ kaplicu na słužbu Božuju.
Padčas sustrečaŭ ź vieteranami UPA j palitykami zaznačałasia, što dziejsnaja ŭkrainskaja ŭłada nie źbirajecca šanavać nacyjanalnych hierojaŭ.
Na majkach siabraŭ arhanizacyi «Nacyjanalny Aljans» na piaci movach, siarod jakich i biełaruskaja, byŭ nadpis «Prabačcie, što moj prezident idyjot. Ja za jaho nie hałasavaŭ!».
Vieterany UPA zaklikali moładź pracavać na karyść miascovych vybaraŭ, jakija chutka adbuducca va Ukrainie, kab choć na miascovym uzroŭni abrać deputataŭ, jakija buduć rupicca ab nacyjanalnych intaresach. Darečy, u arhanizacyi festu dapamahała miascovaja ŭłada.
Rukapašnyja zmahańni, siłavyja hulni, piejntboł, paloty na deltapłanie, kirmašy — usio heta było nieadjemnaju častkaju fiestyvalu.
U pieršy dzień śviata, niahledziačy na rokavy farmat mierapryjemstva, na scenie źjaviŭsia biełaruski repier Vinsent, jaki byŭ adnym z chedłajnieraŭ kancertu.Jakraz na čas jaho vystupu ścichli hrymoty i doždž, što palivaŭ słuchačoŭ uvieś viečar.
Kancert la biełaruskaj miažy naviedali paŭtara dziesiatki biełarusaŭ: nad natoŭpam łunali
Na nastupny «Banderštat» arhkamitet mierapryjemstva płanuje zaprasić N.R.M.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia5
Kamientary