Žychary Pabiedy j Biarozak pad Homielem pratestujuć suprać znosu
Žychary pasiołka Pabieda Homielskaha rajona, damy jakich mohuć pajści pad znos, stvaryli hramadski kamitet i rychtujuć zvarot ab praviadzieńni hramadskich słuchańniaŭ pa dadzienym pytańni.
U skład hramadskaha kamiteta ŭvajšła aktyvistka Biełaruskaj chryścijanskaj demakratyi Łarysa Ščyrakova, jakaja pražyvaje ŭ hetym pasiołku. «My budziem damahacca praviadzieńnia hramadskich słuchańniaŭ i pryciahnieńnia ekśpiertaŭ dla analizu dadzienaha prajekta», — zajaviła spadarynia Ščyrakova.
21 lipienia ŭ susiednim pasiołku Biarozki adbyŭsia schod, na jakim vystupiŭ namieśnik staršyni harvykankama sp. Kavaloŭ. Tam žycharam Pabiedy paviedamili, što ich damy buduć źniesienyja dziela budaŭnictva čatyrochpałosnaj darohi.
Paśla hetaha vosiemdziesiat hramadzianaŭ nakiravali zvarot u harvykankam z prykładańniem alternatyŭnaha płanu budaŭnictva. Adkaz z harvykankama jašče nie pryjšoŭ. Tym časam homielskaje dziaržaŭnaje radyjo raspaŭsiudziła infarmacyju, što čutki pra znos byccam by raspaŭsiudžvajucca «niadobrazyčliŭcami» ź liku «ahitataraŭ niedziaržaŭnych arhanizacyj».
Kamientary