Urad Biełarusi sa spaźnieńniem, ale ŭsio ž padpisaŭ inviestycyjnuju damovu z Bryncałavym.
Urad Biełarusi sa spaźnieńniem, ale ŭsio ž padpisaŭ inviestycyjnuju damovu z Bryncałavym. Rasijski miljarder pabuduje ŭ Biełarusi farmaceŭtyčny zavod.
U listapadzie 2009 hoda A.Łukašenka padpisaŭ zahad pra pieradaču SAAT «Fierejn», jakoje naležyć Uładzimiru Bryncałavu, farmaceŭtyčnaha pradpryjemstva «Dyjalek» z nastupnym budaŭnictvam na jaho terytoryi novaha zavoda. Adnačasova «Dyjaleku», jaki pieradavaŭsia Bryncałavu jak majomasny kompleks, śpisvalisia ŭsie zapazyčanaści pierad biudžetam. Naŭzamien biełaruskaja dziaržava maje atrymać 25% akcyj + 1 akcyju SAAT «Fierejn».
Kiraŭniku Biełarusi vielmi spadabalisia płany Bryncałava, asabliva ŭ spravie tyčylisia vytvorčaści antybijotykaŭ, što mielisia całkam zamianić darahija impartnyja anałahi. Mienavita tamu biznesoŭcu było dadzienaje zialonaje śviatło va ŭsich jaho pačynańniach.
Bryncałaŭ užo daŭno i pracuje, i žyvie ŭ Minsku, majučy tolki rasiejskaje hramadzianstva.
Pieršapačatkova novy zavod płanavali zbudavać da 2015 hoda. Jon paŭstanie na płoščy ŭ 6 tys. kv. mietraŭ. Bryncałaŭ zakupiŭ dla jaho abstalavańnia na 30 młn dalaraŭ. Ciapier idzie rehistracyja kala 150–200 najmieńniaŭ lekavych srodkaŭ, jakija maje vypuskać «Fierejn» u Biełarusi. Bryncałavu pastavili ŭmovu, šo siarod ich nie maje być takich, jakija vypuskajucca biełaruskimi zavodami.
U Rasii pradpryjemstva aliharcha i kandydata ŭ prezidenty 1996 hoda Uładzimira Bryncałava mieła skandały z falsifikatami lekaŭ.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili31
Kamientary