5 kastryčnika try asoby, jakija nazvalisia supracoŭnikami KDB, kanfiskavali ŭ pamiaškańni kramy «Sotvar» u Miensku 20 asobnikaŭ 36-ha numaru hazety «Naša Niva», jakija pradavalisia tam u adpaviednaści z damovaj
5 kastryčnika try asoby, jakija nazvalisia supracoŭnikami KDB, kanfiskavali ŭ pamiaškańni kramy «Sotvar» u Miensku 20 asobnikaŭ 36-ha numaru hazety «Naša Niva», jakija pradavalisia tam u adpaviednaści z damovaj. Pryčym dadatak da asartymentnaha pieraliku hetaj kramy z ukazańniem hazety «Naša Niva» byŭ zarehistravany administracyjaj Pieršamajskaha r-nu Miensku.
Tyja asoby nie ŭkazali ni faktyčnych, ni praŭnych padstavaŭ kanfiskacyi hazetaŭ. Svaje dziejańni jany abhruntavali tym, što «NN» nibyta zabaroniena dla raspaŭsiudu ŭ Miensku, što nie adpaviadaje sapraŭdnaści, bo «Naša Niva» zarehistravana Ministerstvam infarmacyi.
Kanfiskacyju nie aformlili dakumentalna nijakim aktam.
Art.25 č.6 zakonu «Ab druku i druhich srodkach masavaj infarmacyi» ŭstanaŭlivaje, što pieraškody raspaŭsiudu pradukcyi srodku masavaj infarmacyi, jaki ažyćciaŭlajecca na zakonnych padstavach, nie dapuskajucca. Na padstavie hetaha Redakcyja źviarnułasia ŭ Prakuraturu z prośbaj ustanavić asobaŭ, vinavatych u kanfiskacyi i pryciahnuć ich da vyznačanaj zakonam adkaznaści, a taksama viarnuć asobniki. Adnak vialikaje nadziei na toje, što heta budzie zroblena, my nia majem.
I heta tolki adzin z epizodaŭ štodzionnaha cisku. U takoj abstanoŭcy ciapier vydajecca i raspaŭsiudžvajecca «Naša Niva».
Kamientary