Biełaruś zajmaje 72-je miesca ŭ rejtynhu vizavych abmiežavańniaŭ

Pakul biełaruskija čynoŭniki čarhovy raz prapanoŭvajuć admianić vizy dla hramadzian krain ES, kampanija Henley&Partners, jakaja śpiecyjalizujecca na mižnarodnym pravie ŭ halinie hramadzianstva i imihracyi, apublikavała Indeks vizavych abmiežavańniaŭ (Visa Restriction Index).

Heta mižnarodny rejtynh krain, składzieny z ulikam taho, nakolki svabodna hramadzianie toj ci inšaj dziaržavy mohuć pieramiaščacca pa śviecie.

Biezumoŭna, imknieńnie čynoŭnikaŭ pryciahnuć u Biełaruś jak maha bolš turystaŭ ź jeŭrapiejskich krain zasłuhoŭvaje ŭchvały. Ź inšaha boku,

mahčymaść samich biełarusaŭ svabodna padarožničać pa śviecie taksama napramuju zaležyć ad pracy čynoŭnikaŭ, a jana, miarkujučy pa Indeksu vizavych abmiežavańniaŭ, nažal, pakul pakidaje žadać lepšaha.

U śpisie z 98 krain Biełaruś zajmaje 72-y radok, jaki dzielić z Hruzijaj. Abiedźvie krainy majuć indeks 56. Značeńnie indeksa rasšyfroŭvajecca prosta:

56 - heta kolkaść krain i terytoryj, jakija, pa padlikach kampanii Henley & Partners, biełarusy mohuć naviedvać bieź vizy.

Z krain-susiedziaŭ Biełarusi samy vysoki rejtynh u Polščy, jakaja znachodzicca na 16-m miescy ź indeksam 145, dalej iduć: Litva - 19-je (140), Łatvija - 20-je (139), Rasija - 49-je (83 ) i Ukraina - 65-je (64).

Pieršaje miesca ŭ rejtynhu zajmaje Vialikabrytanija, hramadzianie jakoj mohuć spakojna naviedvać bieź vizy 166 krain.

Pryčym ŭsiaho za adzin hod kolkaść biaźvizavych dla brytancaŭ napramkaŭ papoŭniłasia adrazu šaściu dziaržavami.

Na druhim miescy apynułasia Danija (164), na trecim - Šviecyja (163), na čaćviortym - Finlandyja i Luksiemburh (abiedźvie krainy ź indeksam 162).

ZŠA apuścilisia na try pazicyi pa paraŭnańni z papiarednimi hadami i apynulisia na siomym radku ź indeksam 159. Taksama vierchnija radki rejtynhu zajmajuć: Francyja, Italija, Hiermanija i Niderłandy (pa 161), Bielhija, Japonija i Ispanija (pa 160), Irłandyja i Narviehija (159), Aŭstryja i Partuhalija (158), Aŭstralija, Kanada i Novaja Ziełandyja (157), a taksama Šviejcaryja (156).

Na inšym kancy rejtynhu, što zusim nie dziŭna, raźmiaścilisia Sudan (30), Irak (27) i Afhanistan (26).

U cełym, jak niaciažka zaŭvažyć, hramadzianie raźvitych krain vałodajuć bolšaj svabodaj pieramiaščeńnia, čym hramadzianie krain, jakija raźvivajucca, a taksama krain, što znachodziacca na stadyi recesii abo ŭ stanie vajny. Pry hetym składalniki Indeksa padkreślivajuć, što

rejtynh adlustroŭvaje nie tolki stupień svabody padarožžaŭ hramadzian roznych dziaržaŭ, ale taksama vyznačaje status toj ci inšaj dziaržavy ŭ suśvietnaj supolnaści i charaktaryzuje adnosiny miž asobnymi krainami.

• 0
• 0
• 0
• 0
• 0
• 0
• 0
• 0