Fond Biła i Mielindy Hiejts paabiacaŭ achviaravać $500 miljonaŭ na stvareńnie bankaŭskich sistem dla najbolš biednych krain śvietu. Hetyja sistemy dazvolać zarablać na pracentach hrošy siemjam, jakija zarablajuć dva dalary ŭ dzień ci mienš.
Sistema budzie pracavać na asnovie mabilnaha bankinhu, jaki ciapier vykarystoŭvajecca u niekatorych krainach Azii, Afryki i Łacinskaj Amieryki. Miarkujecca, što ŭ bližejšy čas fond vydzielić $40 miljonaŭ na stvareńnie takich sistem u Tanzanii i Banhładešy.
Raniej fond aktyŭna prasoŭvaŭ sistemu mikrakredytavańnia dla biednych fiermieraŭ i drobnych pradprymalnikaŭ u krainach u stadyi raźvićcia.
Upieršyniu sistema mikraźbieražeńniaŭ była stvorana jašče ŭ 18 stahodździ ŭ Šatłandyi, dzie miascovyja harniaki chacieli zachavać chacia b častku svaich zarpłat, jakija zvyčajna prapivalisia ŭ toj ža dzień.
Sistemy mabilnaha bankinhu dajuć mahčymaść karystacca finansavymi pasłuhami ludziam, jakija žyvuć u sielskich rajonach krain. U Kienii abarot takoj sistemy dasiahnuŭ $400 miljonaŭ u hod.
Kamientary