Nastajaciel iškaldckaj parafii Maciej Šmatoŭski pra vystaŭlenuju na aŭkcyjon Rehistracyjnuju knihu 1759 h.
Na internet-aŭkcyjon ay.by vystavili ŭnikalny dakumient — Rehistracyjnuju knihu iškaldskaha prychodu ad 1759 h. Apošni zapis u knizie datujecca 1807 hodam. Kniha ŭ dobrym stanie, ciapier jaje cana składaje 3 młn biełaruskich rubloŭ (troški mienš za tysiaču dalaraŭ). Dakumient najstarejšaha ŭ krainie kaścioła prabudzie da suboty: zakančeńnie aŭkcyjonu ŭ 12:49:50 20 listapada.
Pa kamientar «Intex-press» źviarnułasia da ajca Macieja Šmatoŭskaha, nastajaciela iškaldckaj parafii ad 1996 hoda: «Ja sam daviedaŭsia pra hety aŭkcyjon tolki siońnia, kolki chvilin tamu. Mnie patelefanavali maje siabry z Polščy i raskazali, što staraja Rehistracyjnaja kniha Iškaldckaha kaścioła vystaŭlena na prodaž u Internecie. Raniej pra hety dakumient ja ničoha nie čuŭ. Ad starych archivaŭ i biblijateki kaścioła da našych dzion ničoha nie zachavałasia. Napeŭna, jany byli razrabavanyja jašče daŭniej…
Jak tolki daviedaŭsia pra heta, ja patelefanavaŭ našamu ŭčastkovamu, kab toj dapamoh mnie razabracca ŭva ŭsim hetym i, kali možna, adšukać pradaŭca.
Pa-ščyraści, ja nie viedaju, jak padobnyja dziejańni kvalifikuje biełaruski zakon. Ale mnie zdajecca, kali heta naš dakumient, jaho treba viarnuć kaściołu...»
Pa słovach ajca Macieja, samastojna vykupić hety dakumient jaho parafija, jakaja siońnia naličvaje kala 600 čałaviek, badaj nie zdoleje: «U nas pieravažna staryja ludzi, lišnich hrošaj u ich niama».
-
Žarści vakoł «kryža karalevy Safii» nie ścichajuć. Siarhiej Abłamiejka zastupiŭsia, a Krycuk praanalizavaŭ pieršakrynicy
-
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara
-
Vyjšła kniha pra habrejskuju historyju Viciebska
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary