U žniŭni ŭ amierykanskim vydaviectvie Jewishgen.Inc pabačyła śviet vydańnie «Viciebsk u minułym: historyja, miemuary, razbureńnie». Na 402‑ch staronkach knihi aŭtary pradstaŭlajuć šmathrannuju karcinu habrejskaj hramady horada ad jaje rańniaj historyi da źniščeńnia ŭ 1941 hodzie, paviedamlaje Biełaruski instytut publičnaj historyi.
Habrejskija handlary ŭpieršyniu prybyli ŭ Viciebsk u siaredzinie 1500‑ch hadoŭ, kali rehijon uvachodziŭ u skład Rečy Paspalitaj. U XVIII stahodździ horad staŭ bujnym centram habrejskaj adukacyi i duchoŭnaści, jak chasidskaj, tak i tradycyjnaj. Da 1897 hoda z 65 871 žychara Viciebska 34 440 byli habrejami. U horadzie dziejničali dziasiatki sinahoh, Tałmud-tora, habrejskaja balnica i niekalki škoł.
Siarod inšaha ŭ knizie raskazvajecca pra nastupstvy revalucyj 1905 i 1917 hadoŭ. Jość taksama raździeły, pryśviečanyja niekatorym viadomym pradstaŭnikam hramady horada, u tym liku Marku Šahału.
Aryhinał knihi vyjšaŭ na idyšy jašče ŭ 1956 hodzie, a ciapier 402‑staronkavaje vydańnie ŭpieršyniu stała dastupnym pa-anhlijsku.
Kamientary