Čałaviečy arhanizm narmalna funkcyjanuje pry ŭnutranaj tempieratury 36,4° S. Padzieńnie tempieratury na 2,2 hradusa moža stać dastatkovym dla taho, kab čałaviek zahinuŭ.
Čałaviečy arhanizm narmalna funkcyjanuje pry ŭnutranaj tempieratury 36,4° S. Padzieńnie tempieratury na 2,2 hradusa moža stać dastatkovym dla taho, kab čałaviek zahinuŭ.
Raptoŭnaje pachaładańnie ŭ Biełarusi ŭžo pryniesła pieršyja achviary – u stalicy byli znojdzienyja zamierzłyja ludzi: mužčyna 30-35 hadoŭ i žančyna 50-55, biesprytulnyja.
Pavodle Biełhidramietcentra, ciaham nastupnaha tydnia ŭ Biełarusi čakajecca da –20 nočču i da –18 udzień. Achviaraj nizkaj tempieratury moža stać kožny.
Što varta zrabić, kab nie zamierznuć?
Najpierš -- chavajciesia ad vietru. Praniźlivyja chałodnyja viatry ŭ značnaj stupieni spryjajuć abmaražeńniu.
Karystajciesia ciapłom ułasnaha cieła. Kali vy nie možacie zajści ŭ pamiaškańnie, kab sahreć palcy i ruki, zasuńcie ich pad pachi. Kali zharnucca ŭ kłubok, u vas taksama źjavicca bolš enierhii.
Taksama strata ciapła ŭzmacniajecca ad kantaktu z vadoj.
Pry pieraachaładžeńni rekamiendujecca dastavić čałavieka da lekara jak maha chutčej, a da taho zrabić nastupnaje: pieranieści paciarpiełaha ŭ ciaplejšaje miesca, ukryć jaho koŭdraj, dać ciopłaje pitvo. Ale nie ałkahol -- jon vyklikaje łžyvaje pačućcio ciapła. Nie sprabujcie sahreć źmierzłaha, pasadziŭšy blizka da haračaj lampy abo vohnišča: kali skura abmarožanaja -- jaje lohka apiačy.
Kamientary