Demakratyčnyja kandydaty kamientujuć strašyłki Makieja.
Demakratyčnyja kandydaty kamientujuć strašyłki Makieja.
Akcyja 19 śniežnia budzie vyklučna mirnaj — tak prakamientavali apazicyjnyja kandydaty ŭ prezidenty zajavu kiraŭnika Administracyi prezidenta Biełarusi Uładzimira Makieja.
Viečaram 11 śniežnia ŭ efiry telekanała
Pavodle jaho słoŭ, «apazicyjnyja kandydaty adnaznačna nacelvajuć ludziej, nacelvajuć svaich prychilnikaŭ na pravakacyi, na stvareńnie „karcinki“ dla zachodniaha telebačańnia, kab potym skazać: voś, bačycie, jakaja jana ŭłada — žorstkaja, jak jana žorstka abychodzicca sa svaimi vybarščykami».
«Dumaju, va ŭłady dosyć sił i srodkaŭ, kab adreahavać spakojna i hodna na padobnaha kštałtu situacyju», — dadaŭ Makiej.
Padobnyja zajavy kandydat u prezidenty Mikałaj Statkievič rasceńvaje jak «sprobu zapałochać ludziej». Pavodle mierkavańnia palityka, takija zajavy śviedčać pra słabaść ułady.
«Heta čarhovaja sproba zapałochać ludziej.
U 2006 hodzie tahačasny kiraŭnik KDB Ściapan Sucharenka zapałochvaŭ ludziej niejkimi dochłymi pacukami, jakich my tak i nie ŭbačyli. Ciapier Makiej pałochaje ludziej bajevikami i zbrojaj», — skazaŭ Statkievič.
Pavodle mierkavańnia kandydata, kali
b ułady byli ŭpeŭnienyja ŭ svajoj pieramozie na vybarach, jany nie rabili b takich zajaŭ.
Padobnyja zajavy Statkievič rasceńvaje jak harantyju taho, što akcyja 19 śniežnia na Kastryčnickaj płoščy projdzie mirna. «Jany nie buduć užyvać siłu. Inakš usio toje, što jany havaryli, pierakładziecca na ich», — ličyć palityk.
Uładzimir Niaklajeŭ, u svaju čarhu, zajaviŭ:
«Kali siońnia chtości rychtuje terakt, to chiba što ŭłada. Sama rychtuje, sama papiaredžvaje — čytaj, pahražaje.
A kandydatam ad apazicyi jość čym zaniacca: imhnieńnie ahitacyi ŭ našaj krainie karotkaje i ŭsie imknucca atrymać ad jaho maksimalny efiekt. U tym liku — raskazać pra toje, što vychad na płošču budzie nasić vyklučna mirny charaktar».
Nahadajem, 9 śniežnia Hienprakuratura Biełarusi vyniesła aficyjnyja papiaredžańni piaciarym kandydatam u prezidenty za zakliki da vybarščykaŭ pryjści na Kastryčnickuju płošču 19 śniežnia. Papiaredžańni atrymali Mikałaj Statkievič, Vital Rymašeŭski, Uładzimir Niaklajeŭ, Jarasłaŭ Ramančuk i Andrej Sańnikaŭ.
10 śniežnia Hienprakuratura zaklikała hramadzian nie paddavacca na pravakacyjnyja zakliki. «Hienieralnaja prakuratura zaklikaje hramadzian, prychilnikaŭ alternatyŭnych kandydataŭ u prezidenty, niezaležna ad palityčnych pohladaŭ i pierakanańniaŭ nie paddavacca na jaŭnyja pravakacyjnyja zakliki i parušać zakanadaŭstva, nie ryzykavać saboj i inšymi asobami», — zajaviŭ načalnik upraŭleńnia pa nahladzie za vykanańniem zakanadaŭstva i zakonnaści pravavych aktaŭ Hienprakuratury Pavieł Radzivonaŭ.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary