Pucin abviaściŭ pra zachop horada, da jakoha rasijskija vojski navat nie padyšli
Uładzimir Pucin zajaviŭ, što rasijskaja armija nibyta zachapiła ŭkrainski Śviatahorsk. Adnak heta nie paćviardžaje nivodnaja z asnoŭnych kart bajavych dziejańniaŭ: horad zastajecca pad kantrolem Ukrainy, a najbližejšyja rasijskija pazicyi znachodziacca prykładna za 9,5 kiłamietra ad jaho.
Pra nibyta zachop Śviatahorska Pucin zajaviŭ na pres-kanfierencyi paśla samitu Šanchajskaj arhanizacyi supracoŭnictva ŭ Biškieku.
«Za apošni miesiac pad kantrol rasijskich vojskaŭ pierajšli 14 nasielenych punktaŭ, u tym liku vyzvalena Kazačaja Łopań, a voś učora — horad Śviatahorsk», — skazaŭ jon.
Rasijskija dziaržaŭnyja i prapahandysckija ŚMI raspaŭsiudzili hetyja słovy jak paviedamleńnie pra realny vajskovy pośpiech.
Adnak aktualnyja karty bajavych dziejańniaŭ pakazvajuć zusim inšuju situacyju. Pavodle DeepState, Śviatahorsk znachodzicca pad kantrolem Ukrainy. Ad horada da najbližejšaj terytoryi, zaniataj rasijskimi vojskami, — kala 9,5 kiłamietra.
Takuju ž karcinu pakazvajuć inšyja karty. Ni na adnoj ź ich niama rasijskich vojskaŭ ni ŭ samim Śviatahorsku, ni ŭ niepasrednaj blizkaści ad horada.
Pucin ža zajaviŭ pra poŭny zachop horada.
Kamientary
try tydni budzie pieramoha za pieramohaj.
A što tam u rečaisnaści, daviedajeciesia z pačatkam prymusovaj mabilizacyi.