Fihurant sfabrykavanaj spravy, jakuju vykryŭ były śledčy A.Pyžyk, raspaviadaje ab jaje akaličnaściach.
U internecie źjaviłasia čarhovaje videa, na jakim były supracoŭnik pravaachoŭnych orhanaŭ raskryvaje miechanizmy uździejańnia biełaruskaj ułady na hramadzian. Były śledčy z Žodzina, Andrej Pyžyk, u 2008 hodzie admoviŭsia fabrykavać spravu suprać apazicyjaniera. Za heta papłaciŭsia karjeraj i byŭ vymušany źjechać z krainy.
«Heta vielmi sumlenny čałaviek. Kali b nie jon, to ja zaraz siadzieŭ by za kratami», —raskazvaje žodzinski aktyvist, były afhaniec Alaksandr Kamaroŭski. 22 kastryčnika 2008 hoda kiraŭnik abjadnańnia vieteranaŭ bajavych dziejańniaŭ «Abaroncy Ajčyny», Kamaroŭski jechaŭ u Polšču. Na miažy ŭ jaho byli vyjaŭlenyja falšyvyja dalary — jak paźniej vyjaviła śledstva, jamu ich padkinuli.
U Breście raspačali kryminalnuju spravu. ABEZ adrazu pravioŭ pieratrus u chacie i na pracy ŭ Kamaroŭskaha. Materyjały pieratrusu pryjšli da staršaha śledčaha Pyžyka, jaki tady pracavaŭ u žodzinskaj milicyi. Jon staŭ raźbiracca ź imi i adrazu pabačyŭ, što niekamu było vielmi vyhadna sfabrykavać jaje. Śledčy pajechaŭ z hetymi materyjałami da prakurora Žodzina. Toj naŭprost skazaŭ:
«Kamaroŭski bałatujecca ŭ deputaty, a nie pavinien bałatavacca».
I advioŭ Pyžyka na sustreču z namieśnikam Administracyi prezidenta RB Anatolem Rubinavym. Sustreča ŭ śledčaha vyklikała sapraŭdny šok — vysoki čynoŭnik adkrytym tekstam patrabavaŭ pasadzić Kamaroŭskaha ŭ turmu i pahražaŭ źniavoleńniem samomu Pyžyku, kali toj nie zadavolić patrabavańniaŭ. Śledčy admoviŭsia. Spravu zakryli. A.Pyžyk praź niekatory čas byŭ zvolnieny z pravaachoŭnych orhanaŭ i źjechaŭ za miažu.
«Ja vydatna pamiataju tuju spravu. Ledźvie zastaŭsia na svabodzie. Dvojčy mnie padkidvali falšyvuju valutu. Fabrykavali i parušali ŭsio, što tolki možna. I ŭsie zakryvali vočy na hetyja parušeńni. Tolki adzin sumlenny čałaviek znajšoŭsia», — raspaviadaje A.Kamaroŭski. Aktyvist viedaje, što śledčy źjechaŭ z krainy amal adrazu paśla zvalnieńnia: «Tak, ja viedaju ab hetym. Ja maju jaho kantakty, viedaju, dzie jon znachodzicca. Adnak pakul nie mahu skazać ab hetym ŚMI. Ja niepakojusia za los hetaha čałavieka».
«Heta byŭ adziny šaniec dla jaho zastacca na svabodzie. Prakuror Žodzina mnie adnojčy ŭ pryvatnaj razmovie skazaŭ, što kali Pyžyk vierniecca, jaho adrazu pasadziać», —raskazvaje Alaksandr Kamaroŭski. Aktyvist taksama ličyć, što pakul Łukašenka va ŭładzie, takim ludziam, jak Andrej Pyžyk, daroha zakrytaja: «Ja liču, što nastolki sumlenny čałaviek prosta pavinien pracavać na vysokich pasadach, u MUS. Adnak pakul u nas pry ŭładzie Łukašenka, tam buduć tolki takija, jak Rubinaŭ».
-
«Spačatku treba zrabić raźličeńnie z «russkim mirom». Paźniak vystupiŭ rezka suprać akcyi Cichanoŭskich u Varšavie
-
Kavieryn: Ja dumaju, Cichanoŭski zapłakaŭ tamu, što cudoŭna razumieje: piać hadoŭ piekła byli daremnyja
-
Paźniak pryhadaŭ pra Cichanoŭskaha jak «čałavieka Maskvy na śpieczadańni ŭ Biełarusi», ale dapuściŭ jahonaje vypraŭleńnie
Ciapier čytajuć
Čamu ŭ biełaruskaj turmie tak mocna chudziejuć? Tłumačym8
Kamientary