Jaho abvinavacili ŭ špijanažy na karyść Małdovy.
U čaćvier 16 śniežnia Viarchoŭnym sudom niepryznanaj Prydniastroŭskaj małdaŭskaj respubliki abvinavačany ŭ špijanažy na karyść Małdovy ahladalnik RIA «Novyjriehion » Erniest Vardanian byŭ prysudžany da 15 hadoŭ turmy.
Pra heta paviedamiła ciraspalskaje adździaleńnie "NR" sa spasyłkaj na pres-słužbu Ministerstva dziaržbiaśpieki PMR.
U adpaviednaści z art. 271 KK PMR «Dziaržaŭnaja zdrada» sud pryznaŭ jaho vinavatym i pryznačyŭ pakarańnie ŭ vyhladzie 15 hadoŭ pazbaŭleńnia voli biez kanfiskacyi majomaści z adbyćciom pakarańnia ŭ kałonii strohaha režymu.
Erniest Vardanian — hramadzianin Małdovy — byŭ aryštavany śpiecsłužbami Prydniastroŭja viečaram 7 krasavika z taho času znachodziŭsia za kratami. Jahonym kaleham ničoha nie było viadoma pra charaktar zatrymańnia i ŭ čym jon abvinavačvajecca. Usiaho ŭ ciraspalskim pradstaŭnictvie «Novoho riehiona» pracavała razam z Vartanianam čatyry čałavieki.
Kalehi vielmi ciopła vykazvalisia pra Erniesta, nie razumiejučy kamu i pry jakich abstavinach jon moh raskryć dziaržaŭnuju tajamnicu.
Małdoŭskija ŭłady pakul nijak nie adreahavali na rašeńnie suda. Maci Vardaniana ŭ mai hetaha hoda źviarnułasia z adkrytym listom da lidaraŭ viadučych krain śvietu z prośbaj akazać dapamohu ŭ nieadkładnym vyzvaleńni jaje syna, zajaviŭšy, što aryšt žurnalista byŭ praviedzieny pa sfalsifikavanym abvinavačańni.
U padtrymku žurnalista stvorany admysłovy sajt.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary