Salidarnaść: 200 čałaviek sabralisia la ścien Akreścina - dadałosia videa
Jany trymali ŭ rukach źničy i hukali «Žyvie Biełaruś!».
Kala 200 čałaviek sabralisia siońnia viečaram la Centra izalacyi pravaparušalnikaŭ na Akreścina na znak salidarnaści z zatrymanymi 19 śniežnia.
Prykładna za piatnaccać chvilin da pačatku akcyi (17:45) da ścien izalatara pryjechaŭ były kandydat u prezidenty ad partyi BNF Ryhor Kastusioŭ, jaki sprabavaŭ znajści ŭ śpisach zatrymanych svajho syna Andreja. Ale syna ŭ śpisach nie akazałasia.
Zatym Alaksandr Milinkievič źviarnuŭsia da prysutnych z karotkim zvarotam, u jakim zajaviŭ,
što ciapier hałoŭnaje — salidarnaść z zatrymanymi i padtrymka ich i ich siemjaŭ.
Milinkievič taksama zajaviŭ, što rychtuje zvarot da lidaraŭ jeŭrapiejskich krain z prośbaj dać adekvatnuju acenku padziejam na płoščy Niezaležnaści viečaram 19 śniežnia.
Paźniej Ryhor Kastusioŭ paŭtaryŭ svajo mierkavańnie, što pravakacyi byli dapuščanyja pradstaŭnikami siłavych struktur, unutranych, albo zamiežnych, a Łukašenka paśla hetaha pryniaŭ rašeńnie ab razhonie akcyi.
Ludzi stajali niekalki hrupkami, trymali źničy i hukali «Žyvie Biełaruś!». U dvoryku stajali try aŭtazaki i niekalki milicejskich mašyn.
Na akcyi prysutničaŭ
Potym milicyja źviarnułasia da ludziej z nastojlivaj prośbaj skončyć akcyju, pahražajučy sankcyjami.
Najbolš ahresiŭna pavodziŭ siabie, zapałochvajučy prysutnych, namieśnik načalnika HUUS Minharvykankama Ihar Jaŭsiejeŭ, jaki «prasłaviŭsia» tym, što źbiŭ fotažurnalista Uładzia Hrydzina.
Urešcie ludzi adyšli ad ścienaŭ, ale zastalisia niepadalok ad izalatara, potym adbyŭsia impravizavany salut — Franak Viačorka zapuściŭ niekalki rakietaŭ.
Paśla akcyi byŭ na niekatory čas zatrymany hramadski aktyvist Michaś Paškievič, pryčym na Ivana Šyłu, jaki kročyŭ pobač, navat nie zirnuli.
Ciapier čytajuć
Vyśvietlili, dzie adbyvaŭsia «dopyt» kalinoŭca Vasila Hračychi9
Kamientary