Biełaruś nie budzie raźmiaščać jeŭrabondy ŭ hetym hodzie
Pra heta paviedamiŭ 21 śniežnia ŭ Pałacie pradstaŭnikoŭ žurnalistam vice-premjer urada Andrej Kabiakoŭ.
Pavodle jaho słoŭ, čas užo nie dazvalaje realizavać hetuju ideju da kanca hoda "pa techničnych mahčymaściach".
Kabiakoŭ taksama adznačyŭ, što dla raźmiaščeńnia jeŭrabondaŭ u 2011 hodzie budzie padbiracca aptymalny čas z punktu hledžańnia raźvićcia rynku.
Vice-premjer padkreśliŭ, što Biełaruś
zacikaŭlena ŭ raźmiaščeńni jeŭrabondaŭ na jeŭrapiejskich placoŭkach z aryjentacyjaj na azijackich inviestaraŭ.
U lipieni Biełaruś raźmiaściła ŭ Jeŭropie debiutnyja jeŭraablihacyi na 600 młn. dołaraŭ sa staŭkaj kupona 8,75% hadavych i pahašeńniem u 2015 hodzie, u žniŭni — dadatkova raźmiaściła jeŭrabondy jašče na 400 młn. dołaraŭ, dachodnaść pa papierach skłała 8,251% hadavych.
U kancy kastryčnika ŭrad daručyŭ Minfinu ŭ čaćviortym kvartale hetaha hoda i ŭ 2011 hodzie
vypuścić piacihadovyja jeŭrabondy na sumu da 1 młrd. dołaraŭ.
Biełaruś płanavała ŭ śniežni raźmiaścić treci vypusk jeŭrabondaŭ, adnak banki-arhanizatary nie rekamiendavali joj hetaha rabić.
Kamientary