Chłuśnia ANT: haziecie «Fiharo» prypisali słovy, jakich taja nie publikavała
Łukašenkaŭskaja prapahanda imkniecca nadać vynikam vybaraŭ zakonnaści. Dla hetaj mety prydajucca lubyja srodki. Navat adkrytaja mana.
Hetak, ahienctva BiełTA z apłombam śćviardžała, što «Łukašenku pavinšavali kiraŭniki socień dziaržavaŭ» u dzień, kali na spravie pryjšli tolki telehramy ad Čavesa, Achmadziniedžada i jašče niekalkich dyktataraŭ.
A telekanał ANT vyrašyŭ prykrycca aŭtarytatam francuzskaj haziety Le Figaro. Jon padaje karcinku internet-staronki z artykułam «Fiharo» pra vybary ŭ Biełarusi i pryvodzić «cytatu»: «Diejstvujuŝij Priezidient Biełarusi s ohromnym prieimuŝiestvom odieržał pobiedu, priblizivšiś k jevropiejskomu riekordu političieskoho dołhožitielstva. Charizmatičnyj Łukašienko nravitsia narodu», konstatirujet popularnaja hazieta».
Zachodzim na sajt «Fiharo». I što ž? Ničoha padobnaha.
Hazieta sucha paviedamlaje pra aficyjny vynik vybaraŭ. Piša pra skarhu Kastusiova na falsifikacyju vynikaŭ vybaraŭ. I amal pałovu materyjału addaje represijam u Biełarusi i niehatyŭnaj reakcyi ES i ZŠA na ich.
«Piać kandydataŭ zastajucca ŭ źniavoleńni», — paviedamlaje «Fiharo».
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary