U 1989 h. ništo nie pradviaščała krachu SSSR. Ale prajšło paŭtara hoda — i ŭsio źnikła. Piša Andrej Pačobut.
U 1989 h. ničoha nie pradrakała krachu sistemy.
Saviecki Sajuz raspaścirajecca na adnu šostuju častku sušy. Jaho hroznyja rakiety, atamny kułak impieryi,
Tak, ekanomiku lichamaniła dy padspudna adčuvałasia niezadavolenaść.
Ale była mahutnaja KPSS, hetakaja šmatmiljonnaja tatalnaja
Sistema była stabilnaja i vyhladała nieparušna.
Chto ŭ 1989 hodzie vieryŭ, što projdzie niejkija dva hady i ŭsia hetaja kamunistyčnaja impieryja abvalicca? I nie dapamohuć joj ni jaje rakiety, ni jaje armija,
a kamunistyčnyja pretaryjancy z KDB buduć siadzieć jak myški pad vienikam, kali natoŭp budzie vykarčoŭvać pomnik Fieliksu Dziaržynskamu pobač ź ich, jak heta ciapier pryniata nazyvać, centralnym ofisam.
U toje, što heta mahčyma, u dalokim 1989 hodzie nichto nie vieryŭ.
Tym nie mienš čieraz 2 hady heta stałasia faktam.
Resursy kamunistyčnaj sistemy ŭžo byli vyčarpanyja. Niazhrabnaja kamunistyčnaja ekanomika tanuła ŭ viry ŭsiopahłynalnaha kryzisu. I mienavita hetaja ekanamičnaja impatencyja kančatkova i biespavarotna złamała sistemu.
U 1989 hodzie ŭ Savieckim Sajuzie, chitom, hetak ža jak i va ŭsim śviecie, była brazilskaja «łambada». Zalichvackaja tancavalnaja miełodyja hrymieła z kijoskaŭ hukazapisu (chto jašče pamiataje takija rudymienty savieckaha minułaha?) nakručvajučy svaju papularnaść. I pad «łambadu» raskručvalisia hajki sistemy. Napieradzie jašče kryvavaja bojnia ŭ Vilni, kryvavy aščer ŭ Hruzii i na Kaŭkazie…
Ale hetyja adčajnyja sproby ŭžo ničoha nie vyrašać i ničoha nie spyniać. Kropka niezvarotu projdzienaja.
Ciapier dla režymu Łukašenki nastupiŭ svoj 1989 hod.
Tak, sistema jašče nie straciła kiravanaść, tak, pretaryjanie pa raniejšamu viernyja i hatovyja vykanać luby zahad.
Ale svoj unutrany resurs tryvałaści sistema ŭžo vyčarpała.
Ekanomika, usie hetyja stratnyja pradpryjemstvy ź bieznadziejna sastarełym abstalavańniem, prajadajucca vializnyja datacyi sielskaja haspadarka — usio heta ciahnie režym na dno.
«Łambada» dla Łukašenki ŭžo hučyć.
Kamientary