Ramančuk u Bierlinie zaklikaŭ krainy Zachadu da pracy z apazicyjaj Biełarusi
Jarasłaŭ Ramančuk zaklikaŭ krainy Zachadu da sistemnaj pracy z hramadzianskaj supolnaściu i apazicyjaj Biełarusi. Na kanfierencyi ŭ Bierlinie 27 studzienia były kandydat u prezidenty zajaviŭ pra nieabchodnaść «złamać atmaśfieru strachu i ruchacca napierad»..
Pieršačarhovaj zadačaj Ramančuk nazvaŭ vyzvaleńnie zatrymanych. Sankcyi ŭ dačynieńni da biełaruskaha režymu pavinny być razumnyja, patrebien bałans, adznačyŭ jon, kab pakinuć biełaruskim uładam «mahčymaść abaranić niezaležnaść krainy, kab apuskańnie ŭ Rasiju nie było takim hłybokim i niezvarotnym».
Pa słovach palityka, Zachad «pavinien być hatovy vypracavać pryłady pracy z tymi, chto moža stvarać novuju jakaść hramadzianskaj supolnaści, ŚMI, palityčnych partyj».
Ramančuk ličyć, što supracoŭnictva z uładami Biełarusi moža być praciahnuta ŭ takich abłaściach, jak biaśpieka, humanitarnaja dapamoha, mihracyja, achova miež, palahčeńnie vizavaha režymu, ale jano nie pavinna dakranacca adukacyi, hramadzianskaj supolnaści, ekśpiertnaj adznaki.
Pry hetym, pa mierkavańni palityka, kab «damahacca pryncypova inšaha raźvićcia krainy», Biełarusi nieabchodna istytucyjanalnaje budaŭnictva, partyjnaje supracoŭnictva. Treba taksama, kab apazicyjnyja partyi praciahnuli pracu z nasielnictvam, uličyŭšy pamyłki papiarednich kampanij.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu51
Kamientary