Яраслаў Раманчук заклікаў краіны Захаду да сістэмнай працы з грамадзянскай супольнасцю і апазіцыяй Беларусі. На канферэнцыі ў Берліне 27 студзеня былы кандыдат у прэзідэнты заявіў пра неабходнасць «зламаць атмасферу страху і рухацца наперад»..
Першачарговай задачай Раманчук назваў вызваленне затрыманых. Санкцыі ў дачыненні да беларускага рэжыму павінны быць разумныя, патрэбен баланс, адзначыў ён, каб пакінуць беларускім уладам «магчымасць абараніць незалежнасць краіны, каб апусканне ў Расію не было такім глыбокім і незваротным».
Па словах палітыка, Захад «павінен быць гатовы выпрацаваць прылады працы з тымі, хто можа ствараць новую якасць грамадзянскай супольнасці, СМІ, палітычных партый».
Раманчук лічыць, што супрацоўніцтва з уладамі Беларусі можа быць працягнута ў такіх абласцях, як бяспека, гуманітарная дапамога, міграцыя, ахова меж, палягчэнне візавага рэжыму, але яно не павінна дакранацца адукацыі, грамадзянскай супольнасці, экспертнай адзнакі.
Пры гэтым, па меркаванні палітыка, каб «дамагацца прынцыпова іншага развіцця краіны», Беларусі неабходна істытуцыянальнае будаўніцтва, партыйнае супрацоўніцтва. Трэба таксама, каб апазіцыйныя партыі працягнулі працу з насельніцтвам, улічыўшы памылкі папярэдніх кампаній.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне41
Каментары