Reabilitacyja Mai Abromčyk moža być składaniejšaj, čym čakałasia
Reabilitacyja Mai Abromčyk moža być bolš składanaj i zojmie bolš času, čym čakałasia. Ab hetym «NN» paviedamili blizkija dziaŭčyny. U pieršaj pałovie lutaha Maja niekalki razoŭ naviedała daktaroŭ u Miensku.
Siamja Mai praciahvaje źbirać hrašovyja srodki, pryznačanyja na pasłuhi jurystaŭ i miedyčnuju dapamohu.
Nahadajem, što viečaram 19 śniežnia Maja Abromčyk razam sa svaimi siabrami była žorstka źbitaja u rajonie płoščy Niezaležnaści. U akcyi pratestu jana nie ŭdzielničała, adnak heta nie spyniła śpiecnazaŭca, jaki biŭ dziaŭčynu spačatku dubinkaj, a potym nahami. Paśla źbićcia Maja nie mahła samastojna iści ŭ aŭtazak. Vyjaviłasia, što ŭ dziaŭčyny złamanaja naha.
Tym časam u vypiscy sa špitala daktary 6 Kliničnaha špitala Minska paznačyli, što Maja atrymała «bytavuju traŭmu», a skarhu na dziejańni śpiecnazaŭca dałučyli da spravy «ab masavych biesparadkach». Pa słovach maci Mai, Haliny, skarhu z rajonnaj prakuratury pieranakiravali ŭ adździeł milicyi. Baćki Mai źviartajucca da tych, chto byŭ śviedkami źbićcia dziaŭčyny i jaje siabroŭ, i chto moža paćvierdzić heta ŭ sudzie, źviazacca ź imi.
Padajem numary rachunkaŭ, na jakija možna pieraličyć srodki dla Mai:
Rachunki ŭ biełaruskich rublach: Filijał № 510 AAT «AAB Biełarusbank» h. Minsk Asabovy rachunak № 000052,
Valutnyja rachunki: Filijał № 510 AAT «AAB Biełarusbank» h. Minsk Asabovy rachunak № 000373,
Elektronny kašalok easypay.by 18151904
Ciapier čytajuć
Cichanoŭskaja jedzie ŭ Ńju-Jork. Jana moža pierasiekčysia z pradstaŭnikami Łukašenki, ale hałoŭnuju intryhu pakul nie raskryvajuć26
Kamientary