Raskoł u namienkłatury: Musijenka vinavacić urad u padrychtoŭcy krucielskaj pryvatyzacyi
Płan, jaki płanujecca zaćvierdzić sumiesnaj pastanovaj urada i Nacbanka, praduhledžvaje mahčymaść vykupu akcyj «z metaj nastupnaj ich pieradačy menedžmientu pradpryjemstva».
Urad rychtuje pravavoje pole dla namienkłaturnaj pryvatyzacyi, zajaviŭ kiraŭnik łukašenkaŭskaha Analityčnaha centra «ECOOM» Siarhiej Musijenka ŭ intervju ahienctvu Interfaks.
Płan, jaki płanujecca zaćvierdzić sumiesnaj pastanovaj urada i Nacbanka, praduhledžvaje mahčymaść pryniaćcia ahulnym schodam akcyjanieraŭ rašeńnia pra vykup akcyj ułasnaj emisii za košt čystaha prybytku «z metaj nastupnaj ich pieradačy menedžmientu pradpryjemstva». Inšymi słovami,
dyrektary zmohuć stać faktyčnymi ŭładalnikami pradpryjemstvaŭ.Akramia taho, u adpaviednaści z prajektam, prapanujecca mahčymaść «nakiravańnia častki čystaha prybytku dziaržaŭnych i napaŭdziaržaŭnych arhanizacyj na nabyćcio akcyj, jakija naležać Respublicy Biełaruś pa naminalnym košcie». Dalej hetyja akcyi buduć raźmierkavanyja ŭ zaležnaści ad «uniosku ŭ raźvićcio pradpryjemstva».
Kamientujučy nastupstvy pryniaćcia hetych normaŭ, kiraŭnik analityčnaha centra «JESOOM» Siarhiej Musijenka zajaviŭ, što «takija inicyjatyvy adlustroŭvajuć dumki ludziej, jakija isnujučy stan rečaŭ ličać prykrym nieparazumieńniem. Jany chočuć paŭtaryć pryvatyzacyjnyja pracesy, jakija adbylisia ŭ susiednich krainach». «Nichto nikoli nie admaŭlaŭ, što ŭ značnaj častki ŭłady jość vostraje žadańnie pravieści namienkłaturnuju pryvatyzacyju.
Dla biełaruskaha naroda heta niecikava, a dla słužboŭcaŭ — hety daŭno žadany srodak pieradziełu dziaržułasnaści», — raschadziŭsia Musijenka.Pa jaho mierkavańni, «treba źviarnuć pilnuju ŭvahu na hetyja prapanovy i spynić ich na ŭzroŭni dziaržaŭnych orhanaŭ».
Prapanova pra ŭklučeńnie ŭ płan normaŭ pra mahčymaść pieradačy
U adpaviednaści ź dziejnym z krasavika 2006 hodu ŭkazam N277, mahčymaść nabyćcia akcyjaniernym hramadstvam akcyj ułasnaj emisii ćviorda abmiežavana. Pa rašeńni ahulnaha schodu akcyjanieraŭ akcyi ŭłasnaha vypusku mohuć być nabyty tolki dla nastupnaha prodažu abo biazvypłatnaj pieradačy dziaržavie; nastupnaha praparcyjnaha raźmierkavańnia siarod akcyjanieraŭ; nastupnaha prodažu inviestaru na ŭmovach, praduhledžanych
Musijenka — čałaviek blizki da Administracyi prezidenta Biełarusi. Jon nie raz vykazvaŭ mierkavańni, jakija supadali z pazicyjami kiraŭnictva Administracyi j Rady biaśpieki.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary