Pieršaje vykanańnie adbyłosia na«Rok-karanacyi» .
Pieśniu muzykanty vykanali razam z prahramnym dyrektaram radyjostancyi «Aŭtaradyjo» Irynaj Lvovaj. Jana napisana ŭ znak salidarnaści z supracoŭnikami radyjostancyi, viaščańnie jakoj było spyniena ŭ studzieni 2010 hoda.
Hitaryst i vakalist kalektyvu Pit Paŭłaŭ paviedamiŭ, što chutka kampazicyja «Aŭtaradyjo» źjavicca ŭ internecie. U svaju čarhu Iryna Lvova vykazała padziaku ŭsim słuchačam, jakija ŭ ciažki momant padtrymali supracoŭnikaŭ radyjostancyi.
Nahadajem, viaščańnie minskaj radyjostancyi «Aŭtaradyjo» było spyniena 12 studzienia pa rašeńni Respublikanskaj kamisii pa telebačańni i radyjoviaščańni. Zhodna z aficyjnaj farmuloŭkaj, pryčynaj stała raspaŭsiudžvańnie ŭ efiry radyjostancyi infarmacyi, «jakaja źmiaščaje publičnyja zakliki da ekstremisckaj dziejnaści». Anałahičnaja pryčyna była ŭkazana ŭ papiaredžańni Ministerstva infarmacyi. Ciapier isk radyjostancyi da Ministerstva infarmacyi razhladajecca ŭ Vyšejšym haspadarčym sudzie.
Padčas
Na fiestyvali taksama ŭšanavali pamiać paetesy i žurnalistki Taćciany Sapač, jakaja trahična zahinuła ŭ aŭtakatastrofie ŭ noč na 28 śniežnia 2010 hoda.
