U Viciebsku źjaviłasia daŭhachvostaja kuhakaŭka (Strix uralensis) — ptuška siamiejstva savinych, zaniesienaja ŭ Čyrvonyja knihi Biełarusi, Litvy, Łatvii, Polščy i Ukrainy.
Upieršyniu redkuju ptušku zaŭvažyŭ na vulicy Kalinina karespandent «Narodnaha słova» Aleś Byńkoŭ jašče 23 lutaha. A 2 sakavika čytač «Narodnych navinaŭ Viciebska» White Power paviedamiŭ, što kuhakaŭka źjaviłasia ŭ dvary
Daŭhachvostaja kuhakaŭka, jak i ŭsie sovy, ptuška načnaja, a dniom bačyć drenna. Skarystaŭšysia hetym, na lasnuju hościu napali ahresiŭnyja tubylcy Viciebska — varony i hałki. Praŭda, samaŭpeŭnienaść doraha kaštavała haradskim ptuškam — da momantu prybyćcia na miesca karespandenta «NNV» kuhakaŭka ŭžo dajadała ŭpalavanuju hałku.
Miascovyja žychary paviedamili, što ŭ ich dvary «čyrvonaknižnica» znachodzicca ŭžo druhi dzień, i jany vielmi niepakojacca za los pryhožaj istoty, bo varony jaje nie pakidajuć u spakoi. Nastaŭnica, jakaja žyvie ŭ domie № 21, navat telefanavała ŭ zaapark, ale tam paraili złavić ptušku samastojna abo vyklikać vyratavalnikaŭ.
Na siońniašni dzień u Biełarusi naličvajecca ad 1200 da 1800 hniazdujučych par daŭhachvostaj kuhakaŭki. Najbolšaja ščylnaść hniezdavańnia na styku Vierchniadźvinskaha i Rasonskaha rajonaŭ — 9,5 par na 100 kvadratnych kiłamietraŭ. Razmach kryłaŭ hetaj dosyć vialikaj ptuški moža dasiahać 140 sm, a vaha — 970 hramaŭ. Ź lesa jaje mahli vyhnać mocnyja marazy i hłyboki śnieh, jakija ŭskładnili palavańnie na drobnych hryzunoŭ — asnoŭnaj ježy daŭhachvostaj kuhakaŭki.
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary