Za minuły hod u rajonie pamierła žycharoŭ u 3,5 razu bolš, čym naradziłasia. Kožny druhi šlub raspaŭsia.
Za minuły hod u rajonie pamierła žycharoŭ u 3,5 razu bolš, čym naradziłasia. Kožny druhi šlub raspaŭsia.
U 2010 hodzie ŭ Karelickim rajonie pamierła 629 čałaviek (na 42 bolš, čym u 2009 h.), naradziłasia 185 (177 — letaś), to bok naradžalnaść pakryła śmiarotnaść tolki na 29%, paviedamiła rajonnaja hazieta «Połymia».
Kolkaść pamierłych uražvaje. Faktyčna, heta tracina nasielnictva haradskoha pasiołka Mir, albo adna dziasiataja nasielnictva rajcentra. Usiaho ŭ Karelickim rajonie naličvajecca kala 24 tysiač žycharoŭ.
Ad čaho najčaściej pamirali žychary Kareliččyny ŭ 2011? Staraść jak pryčyna zabrała 73 žyćci, ankałohija — 50 žyćciaŭ, 20 čałaviek trahična zahinuli, samahubstvy i ałkahol pryviali da śmierci 9 i 11 čałaviek adpaviedna.
Naradžalnaść choć i raście, ale vyklikaje šerah pytańniaŭ. 31% niemaŭlat źjavilisia na śviet u niapoŭnych siemjach. 24 dziciaci naradzilisia pa-za šlubam.
Nie raduje i statystyka tryvałaści šlubaŭ: letaś na 156 zarehistravanych šlubaŭ pryjšłosia 72 razvody.
A voś jak vyhladaje najnoŭšaja statystyčnaja infarmacyja pa krainie. Pavodle źviestak Biełstata, pa stanie na 1 lutaha nasielnictva krainy składaje 9 młn 478 tys. čałaviek. Za pieršy miesiac 2011 hoda ŭ Biełarusi naradziłasia 8 386 čałaviek, 11 750 — pamierła. Takim čynam, kolkaść nasielnictva za hety čas skaraciłasia na 3389 čałaviek. Na tysiaču zarehistravanych u studzieni šlubaŭ pryjšłosia 673 razvody.
Što zapisana aficyjnaj pryčynaj śmierci adzinaha syna Jarmošynaj?8
Kamientary