Alena Zubryłava i Aleh Ryžankoŭ, jakija ciapier trenirujuć moładzievyja zbornyja Biełarusi pa bijatlonie, znachodziacca ŭ vyklučnaj spartovaj formie. Heta paćviardžajuć vystupleńni našych veteranaŭ na trenirovačnym zbory ŭ aŭstryj
Alena Zubryłava i Aleh Ryžankoŭ, jakija ciapier trenirujuć moładzievyja zbornyja Biełarusi pa bijatlonie, znachodziacca ŭ vyklučnaj spartovaj formie. Heta paćviardžajuć vystupleńni našych veteranaŭ na trenirovačnym zbory ŭ aŭstryjskim Abertylijachu, dzie ŭ sezon uvachodzić našaja moładź. Na minułym tydni Zubryłava pieramahła ŭ kantrolnaj honcy z čatyrma ahniavymi rubiažami, dzie ŭdzielničali spartoŭcy, što pryjechali na Kubak Eŭropy. Taksama Alena zmahła zaniać druhoje miesca na hetych vychodnych. Aleh Ryžankoŭ, u svaju čarhu, pieramoh ŭ spryncie, pryviozšy spartoŭcu, jaki zaniaŭ druhoje miesca, kala chviliny. Treba adznačyć, što ŭ hetych honkach najpierš udzielničali maładyja spartoŭcy, ale vyniki Ryžankova i Zubryłavaj sapraŭdy ŭražvajuć.
Aleh Ryžankoŭ i Alena Zubryłava syšli ź bijatlonu pa skančeńni minułaha sezonu. Ryžankoŭ zajaviŭ pra svoj sychod paśla pravalnaj alimpijady, a Zubryłava hetym letam — z-za prablemaŭ sa zdaroŭjem.
Abodva bijalanisty prynieśli za svaju karjeru biełaruskaj zbornaj bahata medaloŭ i ŭznaharodaŭ i stalisia lehiendami biełaruskaha bijatlonu.
Hałoŭny trener nacyjanalnaj zbornaj Biełarusi Alaksandar Papoŭ nie vyklučaje mahčymaści viartańnia ŭ kamandu veteranaŭ. Napeŭna, na takija słovy jaho padšturchnuła pravalnaje vystupleńnie našych spartoŭcaŭ na pieršym etapie Kubku śvietu ŭ švedzkim Estersundzie, dzie najlepšym vynikam mužčynskaj zbornaj było 27-je miesca Alaksandra Symana ŭ honcy praśledavańnia.
Fota eurosport.com/
Kamientary