U Salihorsku zabaranili pikiety ŭ Dzień Voli

Salihorskija ŭłady nie dazvolili miascovym hramadskim aktyvistam praviadzieńnie pikietaŭ 25 sakavika, prymierkavanych da Dnia Voli.

Siabra kampanii «Havary praŭdu» Mikałaj Šaravar prasiŭ dazvolić pikiet u hety dzień kala haradskoha ŭniviermaha z metaj «vykazać padtrymku palityčnym źniavolenym Respubliki Biełaruś».

Mierapryjemstva było zabaroniena z-za adsutnaści asobnaha lista z abaviazalnictvam zajaŭnika. Sam Mikałaj Šaravar ličyć hetaje rašeńnie supraćpraŭnym, bo ŭ svajoj zajaŭcy jon padrabiazna raśpisaŭ, što biare na siabie ŭsie abaviazalnictvy pa zabieśpiačeńniu hramadskaka paradku i biaśpieki padčas pikietavańnia.

— Kali b miascovyja ŭłady chacieli zabiaśpiečyć prava hramadzian na praviadzieńnie schodaŭ, dyk skantaktavalisia sa mnoju dla ŭrehulavańnia ŭsich farmalnaściaŭ. Adnak jany prosta znajšli čarhovuju nadumanuju nahodu dla abmiežavańnia žycharoŭ horadu ŭ pravach, — pierakanany aktyvist kampanii «Havary praŭdu».

Uładzimiru Šyła, jaki padavaŭ asobnuju zajaŭku na praviadzieńnie pikietavańnia ŭ admysłova adviedzienym miascovymi ŭładami pad hetyja mety stadyjonie «Budaŭnik», taksama admovili ŭ praviadzieńni masavaha mierapryjemstva. Matyvam dla zabarony stała nibyta «praviadzieńnie prac pa rekanstrukcyi stadyjona» u hety čas.

— Heta čarhovaje absurdnaje rašeńnie ŭładaŭ. Litaralna na dniach na stadyjonie budzie matč «Šachciora». Adkul tam uziacca rekanstrukcyi. Da taho ž zajaŭka była padadziena na 18:00, kali ŭžo skončany pracoŭny dzień i anijakich prac być nie moža. I ŭvohule, kali ŭ adviedzienym samimi ž uładami miescy pad masavyja mierapryjemstvy niemahčyma zładzić pikiet, dyk chaj prapanoŭvajuć inšaje miesca, a nie zabaraniajuć mierapryjemstva. Heta abaviazak dziaržavy — zabiaśpiečyć svaim hramadzianam prava na publičnaje vykazvavńnie svaich dumak, prava na masavyja schody, — nie zhadžajecca z rašeńniem salihorskaha vykankamu Uładzimir Šyła.

Adkaznaść za parušeńnie prava salihorcaŭ na praviadzieńnie schodaŭ hramadskija aktyvisty ŭskładajuć na vykonvajučaha abaviazki staršyni Salihorskaha vykankamu Alaksandra Łazuka i kiraŭnika spravami vykankamu Halinu Jaskievič, čyje proźviščy stajać pad admovami ŭ praviadzieńni pikietaŭ u Dzień Voli.

Adznačym, što akramia vyšejzhadanych pikietaŭ miascovyja ŭłady nie zadavolili prośbu Salihorskaj haradskoj arhanizacyi HA «Tavarystva biełaruskaj movy imia Franciška Skaryny» ab praviadzieńni simvaličnaj dyktoŭki pa biełaruskaj movie va ŭstanovach i pradpryjemstvach horada i rajona 25 sakavika.

• 0
• 0
• 0
• 0
• 0
• 0
• 0
• 0