Alaksandr Łašmankin, hałoŭny redaktar pravaabarončaha infarmahienctva Svaboda (Samara, Rasija), vyzvaleny paśla troch sutak znachodžańnia ŭ izalatary časovaha ŭtrymańnia Oršy (Viciebskaja vobłaść).
Nahadajem, žurnalist i pravaabaronca byŭ vysadžany ŭ Oršy ź ciahnika Čelabinsk — Brest u noč z 23 na 24 sakavika. Padstavaj dla zatrymańnia staŭ nibyta ananimny zvanok u milicyju ab tym, što Łašmankin sprabuje pravieźci narkatyčnyja srodki.
24 sakavika sudździa Aršanskaha suda Ina Kochava pryznała žurnalista vinavatym u drobnym chulihanstvie. Ź milicejskaha pratakoła vynikała, što pry zatrymańni Łašmankin razmachvaŭ rukami i niecenzurna łajaŭsia. Adrazu paśla vyniasieńnia pryhavoru Łašmankin abjaviŭ haładoŭku pratestu.
Jak paviedamiŭ pradstaŭnik Mižnarodnaj naziralnaj misii Kamiteta mižnarodnaha kantrolu za situacyjaj z pravami čałavieka ŭ Biełarusi Kanstancin Baranaŭ, Łašmankin vyjšaŭ ź izalatara siońnia nočču, u 1.05. Jon płanavaŭ najbližejšym ciahnikom adpravicca ŭ Minsk, kudy nakiroŭvaŭsia pieršapačatkova dla padrychtoŭki žurnalisckaha materyjału. Pavodle źviestak Baranava, Łašmankin płanuje «papracavać u Minsku, skarystaŭšysia svajoj akredytacyjaj».
Jak raniej paviedamiŭ
Źviazacca z samim Łašmankinym pakul nie ŭdajecca. Baranaŭ vykazaŭ mierkavańnie, što, chutčej za ŭsio, u jaho zakončylisia hrošy na telefonnym rachunku, a pieravieści novyja jon nie paśpieŭ.
Što zapisana aficyjnaj pryčynaj śmierci adzinaha syna Jarmošynaj?4
Kamientary