Biełaruś z 1 krasavika pavyšaje ekspartnyja pošliny na naftu i naftapradukty
Biełaruś z 1 krasavika 2011 hoda pavyšaje staŭki ekspartnych pošlin na naftu i naftapradukty, vyvozimyja z terytoryi respubliki za miežy mytnaj terytoryi Mytnaha sajuza.
Takoje rašeńnie pryniata pastanovaj Savieta Ministraŭ ad 28 sakavika 2011 hoda numar 392, što ŭstupaje ŭ siłu z 1 krasavika.
Staŭka vyvaznoj mytnaj pošliny na 1 t syroj nafty z 1 krasavika biahučaha hoda pavysicca z $365 za 1 t da $423,7 za 1 t. Na naftu z utrymańniem siery ekspartnaja pošlina składzie z 1 krasavika $191. Na śvietłyja naftapradukty (lohkija dystylaty, siarednija dystylaty, hazojli) ustanoŭlena pošlina $283,9 za 1 t. Pošlina na ciomnyja naftapradukty (vadkaje paliva, masła, adpracavanyja naftapradukty) składzie $197,9, na prapan, butany, etylen, prapilen, butylen i butadyjen, inšyja zvadkavanyja hazy — $91, naftavy vazielin, minieralnyja voski i anałahičnyja pradukty — $197,9. Akramia taho, staŭka vyvaznoj mytnaj pošliny za 1 t naftavaha koksu i bitumu, inšych astatkaŭ ad pierapracoŭki nafty abo naftapraduktaŭ, atrymanych ź bituminoznych parod, budzie składać $197,9, bienzołu, tałuołu, ksiłołaŭ — $283,9.
Pastanovaj uniesieny źmianieńni ŭ pastanovu Savieta Ministraŭ ad 31 śniežnia 2010 hoda numar 1932 «Ab ustanaŭleńni stavak vyvaznych mytnych pošlin adnosna nafty syroj i asobnych katehoryj tavaraŭ, vypracavanych z nafty, i pryznańni straciŭšymi siłu niekatorych pastanoŭ Savieta Ministraŭ Respubliki Biełaruś».
Ciapier čytajuć
Połk Kalinoŭskaha paviedamiŭ pra hibiel troch bajcoŭ2
Kamientary