Siońnia syn Alaksandra Milinkieviča źjaviŭsia va Upraŭleńnie kantrolna-prapusknych punktaŭ, dzie jamu pavinny byli viarnuć adabrany 29 listapada pašpart. Adnak, zamiest pašpartu, syn palityka byŭ padvierhnuty 2-hadzinnamu dopytu.
Siońnia syn lidera abjadnanych demakratyčnych sił Alaksandra Milinkieviča (taksama Alaksandar) źjaviŭsia va Upraŭleńnie kantrolna-prapusknych punktaŭ, dzie pavodle abiacańniaŭ Dziaržaŭnaha kamiteta pamiežnych vojsk, jamu pavinny byli viarnuć adabrany 29 listapada pašpart. Adnak, zamiest pašpartu, syn palityka byŭ padvierhnuty 2-hadzinnamu dopytu. Pamiežnikaŭ cikaviła, jakim čynam jahony pašpart apynuŭsia ŭ baćki.
Pašpart Alaksandra Milinkieviča-małodšaha byŭ zabrany pamiežnikami 29 listapada padčas asabistaha nadhladu lidera abjadnanych demakratyčnych sił Alaksandra Milinkieviča ŭ aeraporcie «Minsk-2». Nahadajem, što lider abjadnanych demakratyčnych sił 26-29 listapada znachodziŭsia ź vizitam Ryzie, dzie prymaŭ udzieł u samicie NATO. Padčas vyletu ź Minska pamiežniki pamyłkova pastavili štamp u pašpart syna. Zaŭvažana heta było tolki tady, kali palityk viartaŭsia nazad. Svajoj pamyłki pamiežniki nie pryznali i abvinavacili Alaksandra Milinkieviča ŭ naŭmysnym pierasiačeńni miažy pa niesapraŭdnym dakumentam. Palityka čakaje sud.
Alaksandar Milinkievič – małodšy viarnuć svoj pašpart pasprabuje praz dva tydni, ale ŭžo ŭ Haradzienskim AVIRy, paśla taho, jak sprava suprać lidera abjadnanych demakratyčnych sił budzie pieradadzienaja ŭ sud. Pa mienšaj miery, tak abiacajuć ŭ pamiežnych słužbach.
Mahčyma, sapraŭdnaj pryčynaj zatrymki pašparta, jość strach biełaruskich ŭładaŭ pierad tym, što lider abjadnanych demakratyčnych sił, na šlachu ŭ Strasburh, kudy jedzie na atrymańnie ŭznaharody imia A.Sacharava, iznoŭ pierajedzie miažu pa pašparcie syna.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał55
Kamientary