Baćka Natalli Radzinaj: «Pavodle KDB, jana syšła ź ciahnika ŭ Łunincy»
Pavodle Valancina Radzina, baćki redaktarki sajtu «Chartyja'97» Natalli Radzinaj, jaho dačka ŭžo pakinuła Biełaruś. «Ranicaj nam pazvaniŭ nieviadomy čałaviek i skazaŭ, što Natalla ŭžo za miažoj.A dzie jana dakładna, nie skazaŭ. Jaje my nia čuli», — paviedamiŭ Valancin karespandentu «Svabody».
Taksama Valancin Radzin paviedamiŭ, što KDB pačaŭ šukać jaje dačku jašče ŭviečary 31 sakavika. «Pazvanili i pytalisia, dzie jana i jak adjechała. My raspaviali, što žonka pasadziła jaje na ciahnik „Brest — Miensk“ i što bolš my ničoha nia viedajem. A jany adkazali, što praviarali toj vahon, u jakim jana jechała, i daviedalisia, što jana vyjšła ŭ Łunincy i nie viarnułasia».
Maci žurnalistki Nadzieja Radzina miarkuje, što Natalla «vyrašyła paźbiehnuć losu tych, kaho ŭžo pakarali nadzvyčaj žorstkimi terminami za padziei 19 śniežnia».
Redaktarku sajtu «Chartyja'97» Natallu Radzinu abvinavačvajuć va ŭdziele ŭ masavych biesparadkach 19 śniežnia i ŭ ich arhanizacyi. Pavodle abvinavačańnia žurnalistcy pahražaje 15 hadoŭ źniavoleńnia. Na 31 sakavika Radzinu zaprasiŭ na dopyt u KDB śledčy. Napiaredadni žurnalistka nie vyklučała, što joj vystaviać kančatkovaje abvinavačańnie. Pra svoj namier źjechać z krainy Natalla Radzina nie kazała.
Atrymać kamentar KDB da padziej vakoł Natalli Radzinaj nie ŭdajecca, bo telefon centru hramadzkich suviaziaŭ KDB nie adkazvaje.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica2
Kamientary