Advakat kandydata ŭ prezidenty Andreja Sańnikava paviedamiŭ ab čarhovaj niaŭdałaj sprobie damahčysia źmieny miery strymańnia dla padabaronnaha.
15 krasavika Minski haradski sud razhledzieŭ skarhu na praciah terminu ŭtrymańnia pad vartaj, ale pahadziŭsia z rašeńniem śledčych.
Advakat Andrej Varvaševič nahadaŭ: «Raniej advakat Sapiełka skardziŭsia na abrańnie miery strymańnia ŭ vyhladzie zaklučeńnia pad vartu, potym jon abskardziŭ admovu ŭ Minskim haradzkim sudzie, i taksama biezvynikova. Paźniej, kali Pavał Sapiełka spyniŭ svaju pracu, miera strymańnia była praciahnutaja. Advakaty abskardzili padaŭžeńnie. U paniadziełak skarhu razhladali ŭ Centralnym sudzie, nie zadavolili, my abskardzili ŭ haradskim, ale znoŭ biezvynikova».
Stan zdaroŭja Andreja Sańnikava padčas apošniaha spatkańnia z advakatami byŭ "zdavalniajučy".
15 krasavika pradstaŭnik prakuratury Minska Siarhiej Bałašoŭ painfarmavaŭ, što pa Sańnikavu ŭ sud nakiravanaja kryminalnaja sprava pa artykule ab arhanizacyi "masavych biesparadkaŭ". Adkaznaść za heta pravaparušeńnie praduhledžvaje pazbaŭleńnie voli na termin da 15 hadoŭ.
Bałašoŭ taksama ŭdakładniŭ, što pa adnoj kryminalnaj spravie razam z Sańnikavym prachodzić Ilja Vasiljevič, Aleh Hniedčyk, Fiodar Mirzajanaŭ i Uładzimir Jaromienak, jakich abvinavačvajuć va ŭdziele ŭ masavych biesparadkach.
Kamientary