A voś narviežcy ŭpieršyniu ŭ historyi pieramahli šviedaŭ. Apošniaje z čempijanatu śvietu.
U niadzielu nacyjanalnaja zbornaja Biełarusi pa chakiei praviała druhi matč hrupovoha raŭndu čempijanatu śvietu. Supiernik — Šviejcaryja. Zdajecca, u hetaj hulni našy mahli b začapicca, bo nie taki ŭžo hrozny kankurent.
Cikava, što biełarusaŭ i šviejcarcaŭ trenirujuć Eduard Zankaviec i Šon Simpsan adpaviedna. U svoj čas hetyja śpiecyjalisty byli namieśnikami Hlena Chenłana ŭ zbornaj Biełarusi.
U pieršym pieryjadzie Hardnier skarystaŭsia vydaleńniem Dźmitryja Mialeški. U bolšaści jon adkryŭ lik. A voś druhi pieryjad dla biełarusaŭ pačynaŭsia z abnadziejvańnia.
Dźmitry Korabaŭ vydatna strelnuŭ, zrabiŭšy lik 1:1. Potym momant mieŭ Kułakoŭ, ale na piatačku nie zmoh pierahulać šviejcarskaha bramnika.Biezina, Hardnier i Ruteman na praciahu druhoj častki hulni zrabili pieravahu alpijskaj kamandy ŭnušalnaj — 1:4.Voś ułasna i ŭvieś usplesk aktyŭnaści biełarusaŭ.
Chvalonaja źviazka Uharaŭ — Hraboŭski — Kaścicyn tak siabie i nie prajaviła. U biełarusaŭ było mała voli.
Ciapier u hrupie nastupnaje stanovišča: Kanada — 6 punktaŭ, Šviejcaryja — 5, Francyja — 1, Biełaruś — 0.
Usie nadziei na apošniuju hulniu z Francyjaj. Tolki ŭ vypadku pieramohi možna praciahnuć baraćbu. Sustreča adbudziecca zaŭtra ŭ 21:15.
Z astatnich čempijanatnych padziej varta adznačyć nie samuju ŭpeŭnienuju hulniu rasijan. Spačatku jany prajhrali niemcam, a paśla ŭ zvyšdramatyčnaj hulni vycarapali pieramohu ŭ Słavienii — 6:4.
A voś niemcy naadvarot uražvajuć. Jany ciapier pieratvarylisia ŭ favarytaŭ hrupy. Učora jany vyjhrali haspadaraŭ turniru słavakaŭ — 4:3. Niemcy majuć šaniec vyjści z hrupy sa stapracentnym vynikam.
Samy cikavy matč pakul adbyŭsia pamiž zbornymi Šviecyi i Narviehii. Apošnija atrymali pieramohu pa bulitach — 5:4. Heta pieršaja pieramoha narviežcaŭ nad šviedami za šmathadovuju historyju supraćstajańniaŭ.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła16
Kamientary