Kurjoz adbyŭsia padčas pieradačy «Bałara» na adnym z centralnych italjanskich telekanałaŭ.
Ministr abarony Italii Ińjacya La Rusa nie zmoh uspomnić padčas vystupu pa telebačańni pra toje, chto taki Alaksandr Łukašenka.
Pavodle paviedamleńnia haziety «Karjere dela sera», kurjoz adbyŭsia padčas pieradačy «Bałara» na adnym z centralnych italjanskich telekanałaŭ, piša interfax.by.
Lidar apazicyjnaj partyi «Sajuz chryścijanskich demakrataŭ» Pjer Fierdynanda Kazini spytaŭ ministra, ź jakoj pryčyny premjer Italii Silvia Bierłuskoni padtrymlivaje adnosiny «ź ludźmi, ź jakimi bolš nichto nie sustrakajecca». U prykład jon pryvioŭ Alaksandra Łukašenku.
Paśla hetaha ŭ pieradačy nastupiŭ pierapynak. Krychu paźniej ministr, pamyłkova miarkujučy, što jon nie ŭ efiry, davoli hučna spytaŭ pamočnika, jaki znachodziŭsia ŭ zale: «A chto taki hety Łukašenka?»
La Rusa ŭśviadomiŭ, što zrabiŭ pamyłku, kali viadoŭca padyšoŭ da jaho i paviedamiŭ, što pierapynak daŭno skončyŭsia.
«Nastupstvy razvału SSSR usie jašče vyklikajuć ciažkaści ŭ ministra abarony», -- adznačaje «Karjere dela sera».
Nahadajem, 26 krasavika Alaksandr Łukašenka, robiačy svaje zajavy ab «vašyvaść» i «kazłoŭ», skazaŭ: «Nu, chto taki Barozu? Byŭ niejki Barozu ŭ Partuhalii, ale vyhnali jaho i ŭładzili ŭ Jeŭrakamisiju. Ja mienš za ŭsio hladžu, što dzie chto lapnuŭ ź jeŭrapiejskich čynoŭnikaŭ. Ich tam tysiačy». A tut vychodzić, što samoha Łukašenku ŭ Jeŭropie paśla 17 hadoŭ kiravańnia nie ŭsie viedajuć.
Kamientary